Thawngthar! Salai Benjamin Sum Caah Thawngpang Tha Taktak ( Mah Bak Ding A Si Ko)

Atu lio Chin miphun min a t’hattertu MMID 4 hlasak zuamnak ah runner-up a si mi Salai Benjamin Sum cu a ra lai mi January 20 ah khin Lairawn Baptist Association (LBA) nih sunglawi taktak in conglomhnak le Upat peknak tuah piak dingin timhtuah nak an ngei t’han rih tiah theih a si.hi tibantuk in conglomh nak an tuah piak mi hi a phu ve hrimhrim ko tiah ka ruah.

Cun,Salai Benjamin Sum nih cu Cele media nih ton biaruahnak an ngeih pi lio ah a chim mi cu,a tu hi hlathar ka tuah cuahmah lio pi a si i,a rauh hlan ah a chuak cang lai.hi hlathar ka tuah mi hi a bik in kei mah a ka dawtu le Summer fans hna caah a si lai.cucaah ka sam zong hi Summer fans pawl hna nih hin a meh/tan an ka senhlo caah an mah duh ningin ka tuah mi hi a si tiah a chim.Lairawn Baptist Association (LBA) nih timhtuah nak a ngeih mi kongah a tanglei bantuk hin an langhter.

LBA In Benjamin Sum Sunloihnak Tuah Ding.Lairawn Baptist Association (LBA) ih Choir Group sungtel a simi MMID Season 4 Runner Up Salai Benjamin Sum cu LBA YD Annual meeting tuahnak ah Sunloihnak kan tuah ding.Amai’ remcang caan zohin program kan tuah mi a si (LBA BM ah tuah kan tum nan amah in caan remcang a nei lo).Benjamin Sum le LBA Choir Group thawn Pathian thangṭhat khawmnak nei in caan hman kan tum.A hmun.Galilee Baptist Church, Aungyadana, Kalaymyo (Bungtaw)January 20, 2020 (Monday)Ra pok cio dingah kan lo sawm.tiah an langhter.Ref: Saya C J Hrang Hmung

Relchap>>Israeli a cozah nih a ngeih mi a raltuknak vanlawng “jets” hmangin Syria Homs province-a T-4 air base hmunpi cu missile hriamnam bak in a kah ciammam i,rescue team pawl hna zong pakhat hmanh nih an chuah hnawh ngam hna lo tiah theih a si.a mah belte Israeli nih hi tibantuk in Syria a kah nak ruangah zei bantuk thil dah a rawh i,minung zei zat dah an thi ti le minung zei zat dah hliamhma a tuar tiah theih khawh a si rih lo.

Hi konghe pehtlai in Israeli air force nih statement a chuah nak ah cun hi tin a chim,”Israeli nih Syria Homs province-a T-4 air base hmunpi kan kah nak a ruang cu khi hmun i cherhchan in Syria nih Iran dirkamhnak ah le Iran he a thli in rian t’uan nak hmun ah an sernak a si pin ah Syria Homs province-a T-4 air base hmunpi in Iran nih Israeli ram cu hrocer nak ah le target nak hmun ah an kan hman caah a si”tiah a chim.

Cun,Syrian state television nih a chim nak ah cun Isareli nih hi tibantuk in Syria Homs province-a T-4 air base a kah nak a ruang hi Syria ram a kah si lo in Syria ram khuapi Palmyra khua chungah Iranian military ralkap a um mi hna a kah bia a si.zeicatiah khi hmun ah a um mi Iranian military ralkap hna nih cun Israeli ram cu kah dingin timhlamhnak caan saupi an rak ngeih cang mi kha,Israeli nih a theih ruangah a si tiah a chim.

Syrian cozah ralkap hna nih cun Israeli in Syria Homs province-a T-4 air base a kah ah hin Israeli ram chungin an kah mi a si lo.Nitlaklei Syria ram chungah a um mi U.S. military base “Al-Tanf” hmun pawng tein missile hriamnam in an rak kah mi a si tiah an chim.cu tibantuk in Syrian nih a chim mi cu Israeli military ralkap lei in zei hmanh leh nak bia an chim rih lo.cun,state news agency nih cun Israeli nih Syria ram chungum Iran dirkamhtu Kataib Hezbollah ralhrang pawl hna cawlcangh nak cu kah dingin biachahnak a rak tuah cang mi kha a si tiah a chim ve.

 

Source: Aljazeera news