Thailand Cozah Nih Myanmar Le Malaysia Le Cambodia Ram Hna Ah Hydropower Man Fak Tak In Zuarh A Timh Hna

Association of Southeast Asian Nations hruainak in Bangkok khuapi chungah lakhruak ton biaruahnak an nei t’han i Thailand Energy Ministry Kulis Sombat siri nih cun ASEAN electricity hub cu Thailand ram khi a centere ah hman nan siam a si ah cun Thailand cozah nih ASEAN electricity hub power transmission line a ser lai i ram dangdang ah zuar khawh nak dingin rian an t’uan lai tiah a chim.

Hi konghe pehtlai in Thailand cozah nih a timh cem mi cu Laos ram ah hydropower cu ser/lak i cu a sermi le a lak mi hna cu Malaysia ram le Cambodia le Myanmar ram han ah zuar a timh tiah an chim.Association of Southeast Asian Nations hruainak in Bangkok khuapi chungah lakhruak ton biaruahnakan tuahmi ah hin ASEAN ram chungin ram 10 an itel tiah an chim.

Cun ASEAN ram chungin ram 10 ai-awhtu pin ah international organization hruaitu hna nih palai tampi an thlah hna i cu an thlahmi hna zong nih felfai tein an telpi hna khawh hna tiah an chim.cun, hi ton biaruahnak ah international organization nih an thlah mi hna palai pawl nih cun Association of Southeast Asian Nations nih ASEAN electricity hub tuah nan i timh taktak a si ko ah cun ASEAN ram chungah cun mandeng tein hydropower nan sermi cu nan pek hna awk a si lai tiah an chim.

Chak-Thlang ASEAN hruaitu pawl hna nih Bangkok ah ton biaruahnak an tuah hlan ah hin voi khat ton nak an tuah cang i cu lio ah cun Daw Aung San zong a tel i Kawl ram chungah miharsa mi hna Rohingya kongle south china sea rili kongah biaceiht’i nak zong an rak tuah cang.cu lio ah cun philippines president nih south china sea rili cu China nih ka ta tiphun in a um peng a si ah cun south china sea rili kongah phunghram thar kan ser t’han lai tiah a chim. asinain a tu tan an ceihmi vialte hna kongah biachahnak taktak an tuahmi hna cu a um hraw rih lo tiah an chim.