Timit lei kahdohnak thawngpang le theihternak CDF Zophei nih a tuah

CDF – Zophei, CDF- Hakha, CDF- Thantlang le CNA (Chin National Army) i bawm in July 30 zaanlei in nihin tiang pehtlai in kahdohnak a um i ralhrang lei in a thi mi le hliamtuar an um. Nihin tiang ah kanmah lei cu kan him rih,Ralhrang hi phuthum in an i then i an ratnak lam cio in bawh an si.

Nawiva lei in a rak kai mi hna cu Timit le Congthia kar lam lei Lungkhar phanh lainak tlang ah CDF phukomh hna nih August 1 zaanlei 2:30 tluk in zaan 8:00 PM tiang an kah hna i zaan a si ca ah ralhrang pakhat a thi mi lawng hmuh a si i aa hliam mi fiang in hngalh khawh a si rih lo,Ralhrang zong an umnak in an kir rih lo pin ah August 2 zinglei zong ah hriam ngan in an kah hna ca ah pehzulh in kahdohnak a um kho.

Cucaah, ahohmanh Congthia le Timit kar siseh, Timit le Hakha kar zong Chawhvah le khualtlawn khawh a si rih lai lo. Ralhrang lei nih thazaang an chap chin i Timit ah hmunhma khur an timh ca ah nawlngeih khawh nan kan zuampiak naklai thawng kan in thanh hna.

Credit:CDF Zophei

Author: Salai Ephraim