CDM Tuahtu Ralkap Leirawinak Ruangah Y-PDF Sakhan Cu SAC Ralkap Nih An luhhnawh I, Sing 200 tluk Thilri An Sung! Mandalay ramṭhen, Yamethin peng Y-PDF cu CDM tuahtu pakhat nih a kan leirawi ruangah caan karlak kan hmanmi sakhan cu SAC ralkap nih an kan luhhnawh i, Kyats sing 200 tluk thilri kan sung, tiah PDF sakhan in ṭuanvo ngeitu Lyin Yung nih a chim.
July 30, zaanlei ahkhan rianṭuan ding ṭuanvo i thiah in rian thlennawnnak an ngeih lio ah, CDM ralkap Kaung Sat Lwin nih an umnak hmun cu langhter in a zaamtak hna i, SAC ralkap pawl cu lam a hmuhsak hna, tiah theih a si.
SAC ralkap pawl an phak ah cun tualchung hriamtlai phu hna cu minung an i ṭhencheu lio a si caah minung thazaang le hriam thazaang an i thlau tuk i, PDF nih sakhan cu an kaltak, tiah theih a si. Cu sakhan an zaamtak mi thilri cu Kyats sing 200 man hrawng a si, tiah an chim.
Credit: The Chin Post
