Tlangcung hriam tlai pawl AA, MNDAA, TNLA pawl hna nih an chim mi cu thlakhat chung bak te kawl ralkap he i kap lo in i kahdohnak cu kan ngol rih lai tiah Sep 9 ah thawngthanhnak an tuah tiah theih a si.hi tibantuk in biachahnak a tuahtu hna hi kawl cozah ralkap he a doh cuahmah mi hna Tlangcung hriam tlai AA, MNDAA, TNLA hna an si.
Cun, thlakhat chungah kawl ralkap cu kan kap hna lai lo.asinain hi kan i dinh chungah kawl cozah ralkap hna nih an hriamnam hmangin i kah dohnak thil pakhat khat an chuahter a si ah cun zei bantuk hmun hma le mipi hna lak ah si hmanh sehlaw cu hlan nak fak in kan leh t’han hna lai.cu hlan ah cun mipi hna nih an tuar tuk sual lai tiah a hmun hma kan zoh piak mi hna tampi a um i kan duh ning hmanh in hriamnam kan hman ngamlo caan a um ve tawn.a si nain kan i dinh chungah kahdohnak an chuahter a si ah cun zei hmun paoh ah lehrulh cawlh an si lai tiah an chim.
Kawl cozah ralkap hna nih cun Sep 1 lio in Shan ramkulh chungah a cozah ralkap a um mi vialte hna sin ah Sep 21 tiang kan i din rih lai.mi zei hmanh i kap lo tiah thawngthanhnak a tuah cang tiah an chim.cu hnu ah AA, MNDAA, TNLA pawl hna zong nih Sep 9 ah a tu bantuk thla khat chung cu kawl ralkap kan kap hna lai lo i dai tein kan um lai tiah thawngthanhnak an tuah hi a si tiah an chim.
AA, MNDAA, TNLA hriam tlai pawl hna nih August 15 ah khan Mandalay ramt’hen Pyin Oo Lwin khua i a um mi Defense Services Technological Academy sianginn le Kokdwin hlei hna cu hmun 5 in an kah i minung 15 bak an rak thah hna.cu hnu ah i kah nak cu a chuak lengmang na in mithi le hliamhma a tuarmi hna cu fiang tein theih khawh an si lo tiah an chim.
Credit: chindwinpost
