Tlangcung Hriamtlai Phu Tihnung AA Le MNDAA Le TNLA Hna Nih Ra Ulaw Min Aung Hlaing A Hram In Kan Bongh Lai TIah Tlangau Cang

Hramhram Uknak A Hram Bongh Dingin Ṭangṭi Phu MNDAA TNLA Le AA Nih An Thanh.Ralhrang uknak a hram bongh dingin kan doh lai, tiah ṭangṭi phu MNDAA TNLA le AA nih 2023 January 1 ah cathanh an chuah.Myanmar rammi hna nih kum thar cu sunglawi ngai in don an duh ko nain SAC nih nawlngeihnak an lak i inn le lo an khanghpiak hna caah anmah le an himnak hmun ah ralhrial in an zam hna caah kum thar zong an hmang kho lo, tiah MNDAA TNLA le AA nih 2023 January 1 ah cathanh an chuah.

SAC nih nawlngeihnak an laknak in kum 2 a tling deng cang. Hramhram uknak a dotu mizapi nih anmah le an sikhawh tawk hriamnam in SAC ralkap an doh hna. Cun, atu lio Myanmar ram chung buainak ruangah ralhrial in a zammi hna an intuarnak vialte hi MNDAA TNLA le AA zong nih kan intuarpi kan ngaihchiatpi ve hna, tiah an langhter.

Ramchung ral teinak ding ca ah mizapi le PDF hriamtlai hna i bawm in rianṭuanṭi a biapit tuknak kong cu ṭangṭi phu 3 nih an langhter.Lungrualnak le i funtomnak he raltuk lawnglawng ah hramhram uknak kan tei khawh lai caah kum thar ni thawk in fak deuh in raltuk cang dingah ṭangṭi phu 3 nih cathanh an chuah.

KIO/KIA Chairman zong nih kum thar ni ah biachimnak a ngeih i tualchung mi a thattu SAC ralkap nih thimnak tuah an timhmi hi anmah nih nawlngeihnak kum saupi ngeih an duhnak a si caah Myanmar ram innpa hna nih mizapi le hriamtlai vialte bawmhchanh kan herh, tiah a chim.

Credit: The Chin Post

Author: Salai Ephraim