Sep 20.2019 ah Kawl ralkap nih biachahnak le biakam nak an tuah mi cu an buar t’han rih.USDP party lutlai a si mi U Soe Than Naing nih a buar mi a si tiah an chim.hi konghe pehtlai in Kawl ralkap nih cun Kawlram runvennak konghe pehtlai in Ram uknak kong le phunghram kongah biaruah t’i nak (tonbiaruahnak) Hluttaw nawlngeitu hna nih an buaibai i ningcang lo thil a si tiah an kan soisel tu Hluttaw cu Kawl ralkap nih a rian in a dinhter khawh tiah an chim fawn.
Kum 2008 phunghram ning zulh a si ah cun Kawlram president kut tangin Ram uknak kong le phunghram lairelnak Hluttaw pawl hna cu an dih lak in ilungrual khawh nak ding le pakhat le pkhat i theih hngalh nak ding caah thla 2 ah voi khat lengmang in ton biaruahnak meeting ngeih ding a si lai ti a si.cu ton biaruahnak chungah a tel dingmi hna hi Kawl ralkap lei in minung 6,Hluttaw lei in minung 5 nih thla 2 ah voi khat lengmang lungduh biaruahnak an ngei peng lai ti a si.
Asinain 2008 lio i Kawl ralkap nih a rak sermi phunghram kongah NLD cozah nih t’uanvo a lak hnu in cun thla 2 ah voi khat lengmang lungduh biaruahnak le tonbiaruahnak ngeih ding an ti mi cu a tu tiangah voi khat taktak hmanh an tuah duh ti lo.cu pin ah USDP party lutlai chungin U Soe Than Naing nih a chim mi cu hi kongah Kawlram president lungtlin nak lak lo in Ralkap hruaitu hna Secretary of Defence pawl hna nih ton biaruahnak cu an duh tik paoh ah an kawh khawh cang lai tiah a chim.
Cun,Kawl ralbawi pawl hna nih Kawlram Hluttaw chungtel vialte hna cu an duh a si ah cun an rian in an chuah khawh hna lai.Ralkap hruaitu hna Secretary of Defence pawl nih tonbiaruahnak an kawh a si ah cun,cu ton biaruahnak ah cun Ralkap lei in minung 6 an itel lai i Hluttaw lei in minung 5 an itel lai,biachahnak tuah ding paoh ah a tam deuh lungtlin nak in rian t’uan a si lai tiah a chim.hi thil ruah tik ah Kawl ralbawi pawl hna nih Rampi president nawlngeihnak hmanh in an mah tu nawlngeihnak a sang deuh mi a lo ko cang.
Credit: chinfuture
