Tlangcung mi hna nih kan herh bik mi le kan duh bik mi Federal kan hmuh khawh nak ding caah hriamnam thengmang hman kan herh hlei lo”Non Violence Federalism Movement”a mahbelte cu Federal cu zei bantuk Federal dah a si lai ti cu mi zei hmanh nih kan thei kho lo.Chin miphun a kan hruaitu kan Upa te hna nih an tawlrel ding khi a si.Chin miphun kan dihlak,pumpak cio in Federal cu na duh taktak maw tiah biahalnak rak kan tuah hna sehlaw,a mi zei paoh nih chim haulo in kan duh dih lai ti cu a fiang ko.
Tlangcung mi nih Federal kan duhlo tiah bialehnak a petu hna cu pakhat hnih hlei an si lai loh.asi ah teh,Tlangcung mi nih cu Federal kan hmuh khawh nak ding caah hriamnam hman hau/herhlo in zei dah kan tuah ne kun lai?Tlangcung miphun hna lak ah hriamnam he Independent lak an i tim i tuni tiang mah tin kan si peng rih ko.Tlangcung miphun cheukhat hna nih Independen lak dingin hriamnam he a cawlcang mi pawl hna zong uar an um kho tuk.soisel hlei awk cu an si hlei loh.
Atu ning tein kawl cozah nih rian a t’uan peng a si ah cun Tlangcung mi hna nih Federal kan hmuh khawh nak ding caah cun a tu in kum 2050 hnulei lawngah khin a hmu kho ding kan si.cu hmanh ah Democracy in Federal ah a va um te dingmi khi a si.cucaah Nonviolence (hriamnam tel lo) in Democracy kan hmuhta theng a herh ti lo.zeicatiah a tu hi Democracy inn pi cu sak cia a si ko cang 2008 phunghrampi a um cang.Micheu nih an ruahnak ah cun 2020 ithimnak hi a biapi cem ah a ruat mi an um.asinain 2020 ithimnak hi Tlangcung mi caah a biapi tuk mi a si hlei lo.
Tlangcung mi caah cun Federal kan hmuh hlan tiang biatak chuah in rian t’uan peng a herh.cucaah a tu hin Federal kan hmuh khawh nak ding caah cun Hluttaw inn chungin thok kan herh.Tihnung thil a si hlei fawn lo VOTE tu nih Tlangcung mi nih rian kan t’uan khawh.2020 in Central ah party pakhat hmanh nih a cozah an dir t’han khawhlo dingin rian t’uan khawh kan i zuam a herh lai.cucu Tlangcung mi caah kan lam pem nak pakhat a si lai.cun, central party ah Federal pek an kan duhtu paoh kha Tlangcung mi hna nih kan Support hna awk a si i Federal Democracy policy angei mi party paoh kha rian t’uanpi ding an si ko.Credit:Pa Khum
