TNLA Nih Kawl Ralkap Pa An Thlaih I Bia A Leh Mi Hna Cu Zaangfak Taktak A Si

Tlangcung hriamtlai phu lak ah pakhat a si ve mi TNLA hriamtlai nih Mifir pa Min Aung Hlaing ralkap an tlaih mi pa cu TNLA lei nih a mih an huh i ningcang tein biahal nak an tuah.zeiruangah dah Kawl ralkap rian na t’an?zei bantuk rengdah na tlaih i, khuazei ah dah a um mi na si.na Nu le Pa teh zei rian t’uan mi dah an si tiah bia tampi an hal hnu ah a sining cu an zaangfak i kan in thlah lai tiah an leh.

 

 

Hi kawl ralkap pa nih a chim mi cuka min hi Mr.Tah Min Aung ka si,kum 25 ka si tiah a chim ralkap a t’uan hmun le number vialte a chim dih hnu ah a chim mi cu kei mah cun hmatpungtin zong ka nei ti lo,kawl ralkap rian t’uan ah kei mah duh thimnak le lung tlin nak tein a t’uan mi a si lo,ka pa a dam lo lio ah kawl ralkap nih a rak ra i na pa nih phaisa ting 3 a kan bat caah na pa phaisa bat mi ai ah ralkap rian t’uan maw na thim lai na pa leiba pek cawlh dah na thim lai tiah an rak ka hrocer.

 

 

 

Cu tik ah zei hmanh pek awk phaisa kan neih lo ruangah kawl ralkap rian hi a t’uan mi ka si.ka pa min ah U Kyaw Oo a si i ka Nu min ah Daw Tan hna an si.ka chungkhar nun nak chanh nak le humhim nak caah kum 17 ka si lio in Kawl ralkap rian t’uan ah cun ka pa leiba ai ah a t’uan mi ka si i a tu cu kum 25 ka tling cang.ralkap ka t’uan hnu ah lahkhah hi ting khat le kul a si na in thong 9,8000 tluk lawng lahkhah an ka pek.

 

 

TNLA nih bia a hal dih hnu ah an chim mi cu na thinphang hlah kan mah nih cun zei hmanh harsatnak kan in pe lai lo.kan in thlah lai.na cungah hrem nak le dantat nak zei hmanh kan in pe lai lo.kan in tlaih nak a ruang cu na theih dih ko,nang mah hi thah kan in duh ruangah a si lo caah kan in thlah lai.cun, kan in thlah hnu ah Kawl ralkap rian hrimhrim na t’uan ti lai lo tiah biakamnak an tuah ter i,Kawl ralkap an tlaih mi pa nih cun a si a hman zei tik hmanh ah Kawl ralkap rian cu ka t’uan hrimhrim ti lai lo Mansuh ah ka kal cang lai tiah biakam nak a tuah ve.video rak ngai chih.

 

Note: Thiamtawk in vun leh mi a si caah chim sual mi le theih sual mi, lehpalh sual mi a um lai caah nang mah tein rak ngai ve hmanh.

Source: Langchyi