Trump Cozah Nih Mexico Cozah Cu Ni 45 Chung Bak Te Caan A Pek Ko Cang

Trump cozah nih a ram chungah ningcanglo in mipem le ralzam an luh nak hi Mexico cozah ruang a si caah Mexico cozah nih US ram chungah a thil luhter man ngunkhuai cu thla fa t’in in 5% tluk in ka karhter lai tiah biachahnak a tuah mi cu Mexico cozah a thin phan ruangah Trump cozah he cun remdaihnak an ser cang i Mexico cozah nih cun US nih a duh ningin rian ka t’uan cang lai tiah biachahnak an rak tuah cang.

Cu hnu ah Trump cozah nih cun Mexico cozah cu US ram ah ningcanglo in luh i tim in na ram chungah a dor mi hna mipem le ralzam pawl hna cu nan ram in na t’hawl dih hna lai.cun na ram chung hrimhrim ah cu bantuk minung hna cu na luhter awh an si ti lai lo,”cu rian na t’uan khawh nak ding caah US cozah nih ni 45 chung caan kan in pek”tiah an chim t’han cang.

 

Cun Mexico Foreign Minister Marcelo Ebrard nih cun ramri ah Mexico cozah ralkap kan chiah mi hna nih mipem le ralzam pawl hna an kham khawh hna lo a si ah cun an kham khawh hna nak ding paoh in rian kan t’uan cang a herh tiah a chim.cun hi ralzam le mipem kham khawh nak ding caah cun ramri ah ralkap kan chiah hna lawng a za lai lo,Mexico ram inn pa vialte he kan t’anti a hau lai tiah a chim fawn.

American cozah nih cun Mexico nih US ram chungah ningcanglo in luh a tim mi hna mipem le ralzam pawl hna a kham khawh hna nak ding a si ah cun a herh ning paoh in rian kan t’uanpi hna lai i ni 45 chung hrimhrim ah hi thil cu Mexico nih a ram chungah cu bantuk minung hna cu pakhat hmanh a um ter hna awk an si lai lo tiah a chim.

Source: CNN

Author: Salai Ephraim