American cozah nih mawngtu pilot neilo (US spy drone) a thlah mi cu Iran Revolutionary Guard nih tla bak in an kah piak tik ah Trump nih cun Iran ram he ralthawh le i doh/tuk cu American ram nih kan duh mi le kan i timh taktak mi cu a si loh.a mah belte te Iran nih a tutan ah (US spy drone) an kan kah piak mi thil hi cu ngaihthiam awk a har taktak mi an si tiah Fox news thawngzamhtu hna sin ah a chim.
Iran nih (US spy drone) an kah nak kongah an chim mi cu American cozah sin ah (US spy drone) hi Iran nih kan ram neih ah rattter lo dingin voi tampi ralrinnak le theihternak kan tuah cuahmah ko bu ah Iran ram nih pal lo dingin para kan kham mi red line a rak pal caah kan kah mi a si tiah an chim.asinain US nih cun Iran cozah nih pal lo dingin para a kham nak hmun khi ( international airspace) hmun a si.mi zei paoh nih zalong tein palkai khawh dingin biachahnak tuah mi hmun a si tiah a chim.
Cun Iran security official nih cun American ram lawng si lo in mi zei paoh nih pal lo ding tiah para kan kham nak hmunhma a rak pal i a rak lam mi paoh cu zei hmanh theihternak le signal zong pe lo in kah piak cuahmah an si cang lai.zeicahtiah cu bantuk in Iran red line a rak lamtu hna cu Iran ram ngiatu SPY ah cohlan an si lai.hi hnu zongah American nih hi thil a theih ko na in a nawlh t’han a si ah cun kah piak peng in an um lai tiah a chim rih fawn.
Hi thil ruangah American Central Command biachimtu Navy Captain Bill Urban nih cun Iran nih hi thil a tuahmi hi American nih zei hmanh tuah sualmi a nei loh.Iran nih US he ralthawh a duh i signal a pek mi tu a si,Iran nih a tuah mithil cu lehrulh awk a si cang tiah a chim.asinain American ram nih cun Iran ram rawh le doh cu a tu tiang a chim loh i Middle East ram chungah hruaitu ram paruk hna sin zongah Iran cu ka kap lai lo.a mah belte Iran nih US ralkap hna cungah hriamnam a hman sual a si ah cun duhthim kho ka si lo an tuahmi cu lehrulh an si lai tiah a chim rih.
Source: BBC