American President Trump nih kum 2020 a campaign tuah nak ding caah le a campaign tuah nak ca i a herhmi hna sersiam/hman nak ding caah suimilam 24 chung lawng bak ah $24.8 Million bak a hmuh khawh tiah RNC chairwoman Ronna McDaniel le Tim Murtaugh, the Director of Communications for Trump’s 2020 campaign nih a chim.
Hi konghe pehtlai in American Republican Chairperson McDaniel nih cun a tu bantuk in American mipi hna nih Trump caah nun an sian le mah tluk in thathawhnak an neih mi hi cu hlan American ithimnak ah ka hmu bal lo,Trump nih kum 2020 ithimnak caah campaign a vun tuah tik ah mipi vialte nih zei tluk in dah Trump cu an rak dirkamh i,mipi nih an duh ti hi fiang tein ka hmuh khawh i ka khuaruah an ka har ter tiah a chim.
Cun, hi ti ning tein in Trump nih rian a t’uan khawh pengko a si ah cun Trump a tluktu minung a dang ho hmanh an um lai lo,Trump nih biatak tein 2020 campaign caah timhtuah nak le biaral a doh hlan hmanh ah thil sining le a boruak zoh ah cun Trump a teitu ding an um lo.zeicahtiah cun mipi nih zei tluk in dah Trump an dirkamh i mipi thinlung a lak khawh ti hi fiang tein a lang ko tiah a chim fawn.
Cun,Trump nih a tu bantuk in nikhat chung suimilam 24 te lawngah mah tluk phaisa a hmuh khawh nak hi Trump nih Orlando ah campaign cu a tuah i minutes 30 tluk hrawng biachim nak a neih hnu in a campaign tuah nak ding caah mipi nih a herhmi phaisa hna cu a let bak in cu hlan nak in a karh tiah an chim.
Democrats lei in candidate a si mi Joe Biden zong nih biatak tein rian a t’uan cuahmah ve na in a tu tiangah $ 6.3 Million tluk lawng a hmuh rih.cun midang candidate pawl hna Beto O’Rouke nih $6.1 Millions a neih cang i Bernie Sanders nih $ 5.9Millions a hmun.an dih lak in Trump nih nikhat chung a hmuh mi zat hmanh a hmutu an um loh.
Source: BBC