Attorney General William Barr hi Feb 14.2019 lio ah khan Trump nih United States Attorney General rian a rak khinh mi a si.cun Attorney General William Barr hi kum 1991 in 1991 lio ah khan US president hlun George H. W. Bush zohkhenh nak tang ah rian a rak t’uantu a si fawn.Democrat party hruaitu hna le the House Ways and Means Committee pawl hna nih cun Attorney General William Barr cu a sualnak an kawl ciammam t’han i mit au ngamlo bak in an chiah.
Texas Democrat Rep. Lloyd Doggett nih a chim ningah cun Mr.William Barr cu Trump cozah Attorney General a sinak in hlawnh dingah timhcia kan si cang.thongthlak ah maw a t’hat lai ramleng chuah dah a t’hat deuh lai tiah kan i ruah liopi a si tiah a chim.
Attorney General William Barr nih hin Trump a dirkamh tuk nak ah US phunghrampi hna cu zul duh lo in an mah nih a t’ha tiah a ruah mi phunghram a buar mi vialte hna cu kan kut cungah an um dih cang tiah a chim.
Cun American mipi hna sin ah Attorney General William Barr nih zei bantuk thil dah a tuah ti mi cu fiang tein chim phuan nak zong kan tuah t’han lai.Trump nih zei tluk in dah a Cozah phunghram an buar ti cu mipi nih fiang tein an theih i an hmuh a hau cang tiah Texas Democrat Rep. Lloyd Doggett nih a chim.cun Trump le Attorney General William Barr hna cu 19th century lio i United States Supreme Court ah thil a rak cangmi bantuk khan tuah lawlaw an hau te lai tiah a chim fawn.
Asi na in Attorney General William Barr cu Senate Judiciary Committee pawl hna nih a sualnak taktak an hmuh lo caah Democrats hruaitu hna nih an duh nak cu hnawl piak leng mang an rak si na in a tutan ah cun Democrats senators hna nih Attorney General kongah Congress pawl hna cu ceihkhan nak nei t’han ding in timhlamhnak an neihpi t’han hna tiah an chim.
Source: BBC