House Speaker Nancy Pelosi hi Trump dohtu ah cun t’ihnung taktak mi le thilti kho taktak mi a si.Trump nih Iran cozah kongah hma a lak cuahmah mi zong House Speaker Nancy Pelosi nih cun Trump nih a mah bawlngeihnak hmang in Iran cozah kah nak nawl a ngeilo tiah fiang taktak in a rak chim.cu hnu ah Trump Admin pawl hna nih cun US cozah le Iran karlak thil umtu ning cu fiangternak an tuah hnu ah a tu tiang cu US le Iran cozah karlak kong ah House Speaker Nancy Pelosi nih Trump a doh nak cu hmuh awk a um tuk rihlo.
Cun tu chun ah House Speaker Nancy Pelosi cu ABC Late-Night program Jimmy Kimmel nih biahal nak a tuah i Preisident Trump le a Admin pawl hna cu zei tik ah dah an sualko tiah an konglam ceih a si lai tiah a hal i,”House Speaker Nancy Pelosi nih cun Trump le a Admin pawl hna cu kum 2020 chung hrimhrim ah Congress hruaitu hna nih an kong ceih an si lai” tiah a leh.
Cun American politicians vialte hna lak ah kei mah hi Trump kongah cun thil a thei cem mi ka si tiah a chim.cun Trump nih zei bantul thil dah a tuah ti hi mipi nih an theih awk ah a herh hrinhran cang mi a si.kum 2020 Election hlan hrim hrim ah Trump cu a sining a dipdiar in mipi sin ah chim phuan nak le fianternak kan tuah lai tiah a chim fawn.
Cun Democrats hruaitu hna nih Trump cu a sining taktak in mipi sin ah chim phuan le fianternak tuah an duh tuk cang na in kum 2020 Election thimnak ding caah Trump nih t’an van la deuh rih seh an ti ruang ah zei hmanh an chim rih lo bia a si tiah a chim.cun rang tuk in Trump le a Admin pawl hna kongah fianternak kan tuah a si ah cun kum 2020 Election hi a rawk sual lai ti kan phang tiah a chim.
Source: ABC