Trump Nih House Democrats Cu Pentagon Nih A Phomh Cang Lai Tiah Thanhnak A Tuah Ko Cang

Atu lio vawlei pi nih a cuanh cuahmah mi le kan mah Chin miphun hrimhrim kan lung a kan tuaitam ngai mi cu US President Donald Trump Impeachment hi a si.Trump nih a ral Democrats pawl hna cu Senate ah ningcang tein a tei cang hna ti kha vawlei cung mipi theih a si.America President tuanbia kan zoh a si ah cun “President”a t’uan cang mi hna chungin a voi 4nak President Impeachment cu Trump hi a si.

Trump hlan ah America president a t’uan cangmi hna chungin minung 3 hna cu Trump sual an phawt ning bantuk tein an sual an rak kawl cang hna.Trump nih teinak a hmuh hnu in Inn rangpi hmai ah media pawl hna sin ah a chim cang mi cu a rauh hlan ah Democrat pawl hna cu an sual nak kawl an si lai i,an phen ah zei thil dah a um ti mi cu fiang te in dothlat an si lai tiah a rak chim.tuchun ah Trump nih a chim rih mi cu a rauh hlan ah House Democrats hruaitu hna cu Pentagon nih a hrem lai tiah a chim.

Cun,Pentagon nih House Democrats hrem a timh nak a ruang bik cu House Democrats impeachment trail ah Army Lt. Col. Alex Vindman a tel ve ruangah hin The White House nih Trump kongah ningcang lo in thil a tuahtu an um ko tiah an ruah caah a si bik.cu pin ah Pentagon nih hi thil a tuah nak dingah a cherhchan dingmi cu thil dang si lo in Trump White House a si lai caah hi thil an tuah dingmi nih hin Trump le Ukraine President Volodymyr Zelenskiy hna karlak ah tehte in a dirtu Vice President Joe Biden le a fapa Hunter Biden hna kong zong ceih chih a si lai.

Pentagon nih House Democrats hrem a timh nak ruangah hin White House National Security Council chungtel a si mi Vice President Joe Biden zong hi a rian in Trump nih a t’hawldawi te khawh men tiah an zumh.The Pentagon nih biachahnak cu a rauh hlan ah a tuah lai i,an cungah biachahnak an tuah ning paoh in pehzulh a si lai caah National Security Adviser Robert O’Brien chuan Lt. Col. Alexander Vindman le Lt. Col. Yevgeny Vindman hna caah thinphang an si tiah an chim.

Source: BBC