Update: Trump Nih Iran Ram Cu Vawlei Cung Ralhrang Hna I Dornak A Si Caah Tuk Hrimhrim A Hau A Ti

American president Donald Trump nih cun UK ram a chuah tak lai tein reporter pawl hna sin ah a chim tak mi cu Iran cozah cu US cozah nih a tuk a si ah cun vawlei pi nih tuk hnawh chan a nei tiah nan theih awk a si.zeicahtiah cun Iran ram cu vawlei cung ralhrang vialte hna nih i dor nak le thawh lak nak hmun ah an hman mi a si caah US cozah he remdaihnak ser a duh lo i a mah duh ningin cawlcangh aa timh peng a si ah cun duh thim kho kan si lo caah tuk a hau te lai tiah a chim.

Cun Iran cozah policy le a rian t’uan ning hna cu US ram president rian khinh kaa ka si bak in zei tin dah Iran ram hi ka ser siam khawh lai i,thil t’halo an tuah mi hna le a ram chungah ralhrang tampi aa dor mi hna khi ka remh siam khawh lai tiah ka ruat cang tiah a chim fawn.Iran cozah hna hi an rian t’uan ning cu ningcang tein rian t’uan hna sehlaw US cozah nih rian t’uanpi ding le i pehtleihnak tuah cu kan duh mi a si ko,a mah belte thil t’halo a tuah peng caah US nih sersiam a timh nak ruangah cun an mah he kan i pehtleihnak chah a si mi cu a si tiah a chim.

 

Asinain Iran Supreme Leader Ali Khamenei nih cun US cozah duh ningin Iran cu zei tik hmanh ah a nung lai lo i,Iran nih US cozah cu ton biaruahnak a neihpi fawn lai lo tiah a chim peng rih.Iran nih a tu bantuk in bia a chim t’han mi hi (founder of the Islamic Republic) philh lo nak caah an hman tawnmi 30th anniversary of the death of Grand Ayatollah Ruhollah Khomeini campha an tuah nak hmun ah a chim t’han rih.

Cun Iran nih cun kan mah le kan ram caah US nih a mah duh ningin nawl a kan neih awk le tlang a rak kan tlak awk thil a si lo.US nih mi ram kongah a duh paoh in tlang a tlak mi hna ram le group rian t’uan nak paoh cu an buai dih cu caah kan nih ram kongah cun US nawl cu kan ngaih awk a si lo i,kan mah le ram caah cun kan mah tein kan cawlcangh awk a si ko tiah a chim.

Source: BBC