American president Trump nih cun nai te i Israel ram an i thim lio ah khan PM Benjamin Netanyahu nih teinak a hmuh a si ah cun Israel ram Map chungah Golan heights ram cu ka tleh chih lai i Israel nih a duh tawk in a pen cang lai tiah bia a rak kamh hna. i thimnak ah cun PM Benjamin Netanyahu nih teinak a hun hmuh taktak tiah Trump nih a biakamh ning tein in Golan heights ram cu Israel ram Map chungah a chiah taktak.
Cun West Bank ram chung ah Israel Jews miphun hna an um nak ram cu Israel ram kut ah ka chiah dih lai tiah an rak chim i,cu thil zawng cu Trump nih Israel kut ah a pek dih hna. West Bank ram chungah hin Jews miphun hna minung 400,000 renglo bak an um.a mah belte West Bank ram konghe pehtlai in Trump nih biachahnak le namhnehnak taktak cu a tuah rih lo.
Cun American nih hin Israel ram cu West Bank ram chung thil kongah nawl a pek a si ah cun Israel nih West Bank ram chungah zalong taktak in rian a t’uan khawh lai i West Bank ram nih cun Israel cozah nih a sermi phunghram hna kha zulh in a nung cang lai tiah an chim.cun Israel cozah nih Golan heights ram kongah phunghramthar a ser cuahmah fawn.
Asinain Palestinian cozah hna nih cun West Bank le Golan heights ram kongah Trump nih rian a t’uan cuahmah mi hna cu kan cohlang lo tiah an chim i.Golan heights ram chung um miphun cawh hrup in a um mi hna zawng nih Trump cu kan cohlang lai lo,Golan heights ram cu Syria kut i a um ah mipi kan him deuh lai tiah an chim.
Ref: Salvor Settlers
