American ram chung Nu hna nih Nau an pawi tik ah a pawitu Nu hna nih an Fa pawi lio mi an duh lo a si ah cun zalong tein a nau pawi mi cu thlak/thah khawh si seh tiah mi tampi nih an au pi.cun kan hnung zarh ah khan Arkansas State chung Nu pawl hna nih Nau thlak/rawh nak kongah Nu nih kan Nau pawi mi kan duhlo ah cun za long tein rawk/thah nak nawk kan neih awk si.zeicatiah Nau kan pawi nak taksa/pum cu kan taksa a si caah mi zei hmanh nih nawl nan kan neih awk a si lo tiah an rak chim.
Cu hnu ah Arkansas State Senate pawl hna nih vote an thlak piak hna tik ah Nau thla/thah cu a phung a si lo ti mi vote nih a tei i,Senate pawl hna nih cun Arkansas State Nu vialte hna nih Nau a pawi tik ah a pawitu Nu nih a taksa ngandamnak a t’hat ko a si ah cun Nau cu a that in a rawk a si lai lo tiah biachahnak an rak tuah piak cang hna.
Arkansas State nih biachahnak a tuahh ning te bantuk in Georgia, Kentucky, Missouri,Ohio state pawl hna zong nih biachahnak tuah ve dingin an cawlcang cuahmah.cun President Trump le Republican state legislatures hruaitu pawl hna zong Nau thlak kongah,”Nu nih Nau a pawi cangmi cu a pawitu Nu a taksa ngandamnak nih a tlinh ko bu le t’ha tein a Nau pawi mi a nei kho ding a si ko bu ah Nau thla/thah cu a phung a si lo”tiah namnehnak an tuah ve.
Cun 1973 kum lio i Roe Wade ruling woman’s right to terminate her pregnancy ti mi phunghram cu a dih lak in Trump nih hloh thlau a timh tiah US ram chung khuapi tampi ah cun Nu hna nih sandah an piah.hi sandah a piahtu hna chungin Nu zei maw zat hna cu Khrihfa an si tiah an chim fawn.
Source: BBC