North Korea ram hruaitu Kim Jong Un nih naite i a hriamnam t’ihnung ballistic missile hneksak nak a tuah mi kongah US President Donald Trump nih zei tik ah dah North Korea cozah kongah bia a chim te lai tiah a bawh peng ko rih tiah an chim.North Korea cozah nih cun kan hriamnam kongah US nih nawl a kan neih awk a si lo,kan duh ah cun kan rawh lai i kan duh ah cun hneksak nak zong a tuah kho kan si.
Zeicahtiah North Korea cozah nih zei tik hmanh ah US cozah sin ah cun kan hriamnam konghe pehtlai in biakam nak kan tuah bal lo i US zong nih a mah duh ning in a kan nunter awk a si lo tiah a chim.cun Pyongyang cozah nih a chim ning ah cun Trump nih hin a tutan i North Korea cozah nih a hriamnam hneksaknak a tuah mi kongah zei biatak tein a cawlcangh t’han lo mi cu North Korea cozah cun thil pakhat khat tuah i tim seh law a lo tiah a chim.
Asinain Washington cozah nih a chim ningah cun Trump nih North Korea cozah he remdaihnak ser dingah cun North Korea cozah cu an i ready rih lo.North Korea cozah nih US cozah he remdaihnak tuah kan duh tiah chim hmanh hna seh law an mah he remdaihnak taktak tuah dingah cun an i ready taktak rih lo caah hngah deuh cu an hau rih tiah aan chim.
US Secretary of State Mike Pompeo nih cun North Korea cozah he remdaihnak taktak ser dingah voi 2 khelte bak ton biaruahnak kan nei cang na in remdaihnak taktak ser cun vun chim lo ramkhat nih a lung chungah a chiah mi biathli chungin pakhat te hmanh i ruah manh lo i caan karlak ah mak tak leng mang a si.cu thil a tuahtu hna cu Kim Jong Un si lo in Pyongyang remdaihnak sertu buu hna an si tiah a chim.
North Korea hruaitu Kim Jong Un nih cun US he remdaihnak taktak ser dingah ready cu a si ko na in Pyongyang remdaihnak buu pawl hna cu Trump le Kim Jong Un karlak ah ramsa pel bantuk in ram an vah caah a si deuh tiah a chim.
Source: BBC