Trump Nih Ralzam A Kham Cuahmah Fawn Venezuela Ralzam Pawl Peru Ramri Ah An Khat Cang

American Trump cozah nih US ram chungah ningcanglo in mipem le ralzam luh a tim mi hna kham dingah biatak tein rian a t’uan i,Mexico coza zong nih a t’awiawm khawh cang tik ah Mexico cozah nih cun US ram chungah ningcanglo in luh a tim mi hna le t’hawl dawi nak ding caah a cozah nih a neih mi vanlawng hna le helicopter zei maw zat hna cu zuar i ralzam pawl hna kham nak caah hman a timh cang.

Cu lio ah Venezuelans ram mi minung thong khat lengpi hna cu an run bak in an ram chuah tak in US ram chungah luh an i tim i Thlanglei American ram a si mi Peru ramri ah khat t’hup in an i dil cang tiah an chim.Peru cozah hna nih cun a ram chung an luh khawh nak hnga dingah cun Venezuelans ram mi pawl hna nih Venezuelans ram mi taktak an si nak passport le visa a nei mi hna lawng luhter an si lai tiah phunghramthar a ser piak hna.

 

Cun a tu ah Venezuelans ram mi,minung 6,000 renglo hna cu an ram an um ngamlo caah Venezuelans ram inn pa ah um nak kawl in an i t’hekdarh dih hna tiah Ecuador ram nih an chim.cun hi konghe pehtlai UN nih a chim ningah cun Venezuelans ram cozah lio nih ram dangin a ram miharsa hna caah bawmhchanh nak a rak lut mi t’henthum ah t’henkhat tluk lawng a co hlan caah hi tibantuk in an ram an chuak tak hi a si tiah an chim.

Cun Venezuelans ram chungah a um rih mi mi tampi hna cu ei-din awk neilo in le si-ai neilo in mitam pi a t’ap hram mi tampi am um rih fawn tiah an chim.Venezuelan ram mi Marianni Luzardo nih cun Peru cozah nih a ram ah luh a kan senhlo i ramri ah hi tibantuk in caan sau deuh a kan chiah a si ah cun hi hmun ah hin minung tampi hna cu ei-din awk nei lo in a tlu ril dingmi kan um caah a ran nak in Peru cozah nih inn ka fak pi in a kan awn piak a herh cang tiah a chim.

Source: BBC