Trump Nih Ramri A Kham Mi Cu Pope Francis Nih Ningcanglo Thil A Si Tiah A Soisel

Roman Catholic biaknak hruaitu Pope Francis nih cun Trump cozah nih ramri a kham nak a va tlawng i Trump nih mah bantuk thil a tuah mi le ramri a kham mi cu ningcanglo thil an si.hi kongah Trump cu ka ton lai i hmaichan bak in ramri a kham nak kongah ka hmuh ning le ka ruah ning,ramri kham ka duhlo nak kong cu ka chimh dih lai tiah a chim.

 

Cun Trump nih hi ramri a kham nak ruangah minung tampi ei-din awk neilo in a um ter hna pin ah Nu le Pa hna le an chungkhar a daw ciahmah ko mi a t’hentu hna cu ramri a kham mi hi a si.cun ralzam kong ah Trump nih a hman mi policy hna hi ningcanglo policy an si.hi policy a hman mi hna cu Trump nih a t’hinh i a kal tak awk a si.ramri kham nak caah le ralzam kongah policy a hman mi hna cu a ngol i policy thar a hman awk a si tiah a chim.

 

Pope Francis le Trump hi zeidang ah cun an i daw ngai ko na in ralzam kongah cun a ralchan ngaimi an si.a luancia zei maw zat lio ah khan Mexico ram chungah Televisa thawnglatu pawl hna nih Pope Francis cu biahalnak an rak tuah i Pope Francis nih cun,”Trump nih US ram humhimnak dingcaah ramri kham a timh mi cu Trump nih zei thil ko dah a ruah hnga? cun Trump nih ralzam kongah policy a hman mi cu ningcanglo taktak thil a si” tiah a rak chim bal cang.

Pope Francis mexico ramri kham nak a zoh lio photo.

 

Ralzam caah cun Trump nih Nuva t’ang t’hentu men pei a si cang ko lai hi.khrihfa mi hna bawmchantu dingah ka ruah mi cu Khrihfa mi hna t’hen t’hektu ah pei a can cang ko lai hi.cun Trump hi Khrihfa taktak a si ko ah cun ralzam cungah a thil tuahmi hna hi a tuah awk a si lo i,Khrihfa a si lo mi hna nih an tuah awk deuh a si tiah a chim fawn.

Source: CNN

Author: Salai Ephraim