G-20 Summit An Tuah Nak Ah Trump Le Ruassia President Putin Biaruahnak Cu A Mak Ko!A tutan i G-20 summit an tuah nak ram hi Japan ram khuapi a si mi Osaka khuapi chungah a si.hi ton biaruahnak an neih nak ah American president Trump le Russia president Vladimir Putin hna cu hmai tonh in biaruahnak caan t’ha an neih khawh caah lungduh biaruahnak zong an nei kho chih tiah an chim.
American president Trump nih hin American ram a rak pen ka tein Russia president Vladimir Putin chawhlehnak le a rian t’uan ning hna cu dothlatnak a rak tuah cawlh.cu pin ah Trump nih Russian ram nih hriamnam a zuar ning le ram dangdang he i pehtlaihnak an tuah ning vialte hna zong theih dih i duh dah tein an chawh-leh nak tlawmter dingin Trump nih a rak i tim cang.
Asinain Trump nih Russia ram kongah dothlatnak a rak tuah mi vialte hna cu Russia ram palai pawl hna nih an theih tik ah Russia president Vladimir Putin nih Trump cu fak taktak in an rak soisel bal cang.cu hnu ah Trump nih cun Russia president Vladimir Putin he hmai tonh in lungduh biaruahnak neihpi dingin a tim na in Trump nih a ruah ning bantuk in Russia president Vladimir Putin cu a tong kho lo.
Amah belte a tantan G-20 summit an tuah nak ah cun an pahnih tein lungduh biaruahnak an tuah kho i,Trump nih Russia president Vladimir Putin sin ah cun a ra lai mi kum 2020 ithimnak kongah Russia cozah cu rak i rawlh lo dingin nawlpatnak a tuah tiah an chim.kum 2020 ithimnak ah Russia president Vladimir Putin na rak i thlak ve a si ah cun US Demosrats pawl hna caah ningcanglo in buainak a chuak mi a si,cu caah na rak i tel lo dingah kan duhmi cu a si tiah Trump nih nawlpatnak a tuah tiah an chim.
Source: BBC