Tuchin Timit Ralhrang Hmun Khuar Pawl Cu CNA Le CDF Nih An Riahbuk Ah An Pek Hna I Minung Pahra Um Hmun Ril In An Kahthah Hna

Nihin Timit lei kahdohnak update Ralhrang pawl an riahbuk ah kan ralkap nih an pel an pel hna i an riahbuk cia ah ralhrang 10 an va thah khawh hna.Ralhrang tangka MMK sing 10 leng an va lak, ralhrang cu hnu ah an i tawn, Kan ralkap an him dih tiah Salai Williams Hlawnceu nih a mah fb cahmai ah a vun tarlangh.

Relchap:Rihkhawdar Kahdohnak Ah A Thi Mi Ralkap Ruak Hna Cu Helicopter Nih Thiar A Timh Nizan August 10, Falam peng, India-Myanmar ramri, khua Rihkhawhdar No.2 sang, Ṭio tiva kam tlangcung i kahdohnak ah SAC ralbawi pakhat telh in ralkap 5 a thimi hna ruak cu nihin August 11, chunhnu ah SAC ralkap helicopter nih thiar a timh hna, tiah theih a si.

Ṭio khuachung ummi pakhat nih, “Nihin August 11 chunhnu ah SAC ralkap helicopter pakhat Ṭio khuachung ah a phan, a zuan thawng cu voi dang kel a lo lo, a thawng a dai ngai. Nizaan i a thimi mi ralkap hna ruak lak an timh tiah kan theih. Atu zaanlei suimilam (3:00 india times) tiang ah helicopter cu a kir rih lo,” tiah The Chin Post ah a chim.

Nizaan August 10 kahdohnak ah SAC ralkap ralbawi pakhat telh in ralkap 5 an thi i, ralkap 4 nih CDM an tuah, tiah theih a si.

Credit: The Chin Post

Author: Salai Ephraim