Tuchun Ah CDF Matupi In Salai Bawi Kung Nih Ram Le Miphun Caah A Nunnak A Pek

Min Aung Hlaing ralhrang pawl le CDF Matupi kahdohnak ah mipi lei ralkap pakhat hliamhma a tuar mi a nunnak a liam tiah theih a si.CDF Matupi တပ်ရင်း(၂) Salai Bawi Kung cu ralram arak kalnak ah hliamhma a rak tuar, mah a hliamhma cu thlopbul si ko nain tthat lei panh loin nihin ah ram le miphun caah a nunnak a dongh hi si.

Relchap: Nizan ah AA hriamtlai raltuk cawngmi a dih ka mi hna minung 20 cu Ralhrang nih an tlaih hna ti kha nizan kan capar ah kan rak tarlangh cang.cu pin ah AA ralbawizik Tun Myat Naing nih kawlram hmun kip ah ralhrang doh dingah ka ralkap minung thong 6000 ka thlah cang hna tiah Asiantimes he biaruahnak an neih nak ah a chim mi zong kan rak tarlangh cang.

Cu hnu ah Sakhane ramkulh chung a si mi Manzaw khua ah AA ralkap le Min Aung Hlaung ralhrang hna cu fak taktak in an i kap tiah theih a si.hi an i kah nak ah AA le ralhrang pawl cu can sau nawn an i kah hnu ah MNDAA le TNLA nih AA cu an rak fonh t’han hna i tangkawp in Ralhrang cu an kah t’i hna tiah theih a si fawn.

Hi kahdohnak ah ralhrang lei in an raltuknak Jets vanlawng hmang in t’angkawp ralkap pawl cu an phomh len hna na in mithi le hliamhma tuar mi cu theih khawh a si rih lo na in Ralhrang nih Cunglei he tanglei he hriamnam lian in an kahdoh hna caah t’angkawp ralkap pawl cu mithi le hliamhma tuar an um len lai tiah ruah a si tiah Chinnet nih a tarlangh.

Author: Salai Ephraim