Tuchun Ah CNA Le PDF I Bawm In Gangaw Peng Ralhrang Minung Hleinga An Thah Hna

Nihin September 10 zinglei ah Gangaw peng, Hnankha khuate pawng ah CNA le Gangaw-PDF i bawm in SAC ralhrang he kahdohnak a chuak i ralhrang 15 an thi, tiah tu zaan ah Gangaw-PDF nih thawng an thanh.

September 9 ah Hnankha khua ah SAC ralhrang an lut i inn 30 hrawng an khangh. Cun, Mintha khua ah PDF chungtel 13 le khuami 4 ralhrang nih an thah hna.

“Thah a tongmi Mintha-PDF chungtel pawl ca ah lehrul kan cham khawh. Raldoh a kan bawmtu CNA ralkap minung 10 cung ah kan i lawm tuk,” tiah Gangaw-PDF nih cathanh ah lawmhnak an ttial chih.

Nihin zinglei Hnankha khua pawng kahdohnak ah CNA le PDF lei in hliampu/mithi an um lo.

Credit: The Chin Journal