Tuchun Ah Falam Peng Ralhrang Palekbawi Minung Paruk An Zaam

Thawngpang t’ha kan theih chin lengmang ko kan tei hrimhrim lai! Tuchun ah Chinram kulh a si mi Tedim khuapi ralhrang palek bawi pakhat le Falam peng in ralhrang bawi minung 6 hna cu an mah lungtho tein mipi dirkamh dingah CDM an lut tiah theih a si.

Chinram Tedim khuapi ralhrang palek bawi nih cun bia tampi chim lo in hi tin a chim,”kei mah Palekbawi Pu San Lun Tedim khuapi sakhan in kan rian le ka sinak vialte cu kaltak in mipi lei ah ka dir cang/CDM ah ka lut cang” tiah a chim i ca a t’ial ta tiah theih a si.Falam peng Rihmyonee chungin ralhrangbawi minung 6 hna nih cun CDM ah ka lut tiah an langhter ve.

Relchap: CDF caah thawng thanh! Ral nan doh pah i nan bat tuk tik ah kan inn ah rak i din ko uh- Kan inn cu CDF caah on cia (peng) a si.Nan paw a tam ah cun kan sin ah rak ei ko uh, kan chuan mi ti le rawl cu nan ca zong ah a tel chih.

Hma nan pu sual maw? Kan inn ah rak lut ko, a um mi si le ai in kan nin thlop ko hna lai.Na thazang a der (dih) sual zong ah innchung ah rak i din ta ko, kan ngeihchunh eidin thazang thawn nak te pek in ih nak te zong kan nin ser piak ko lai.

Ralhrang pawl he hmaitonh in nan ni ton lai ah chi 1 te hrial ta nan duh hna zong ah kan innchung te ah rak lut ko uh, nan him nak ding cu kanmah rian ah ka ni ruah ko.
Kan dihlak in hriamtlai he tlai lo he kan si khawh tawk cio in kan ram damnak caah tuanvo kan ngei cio. Kan tei hrim hrim lai

crd.Siang Siang