Tuchun Ah Gangaw Le Kalay Karlak Ralhrang Pawl Ambush An Si

Tuchun August 24.2021 ah Gangaw le Kalay karlak motor lampi zulh in a rak ra mi ralhrangbu motor pali 4 cu lampi ah PDF nih an rak ambush hna i umhmun rawlh bak in an kah hna caah um hmun ah ralhrang minung 15 an thah hna pin ah an motor pakhat cu an khangh piak dih hna tiah theih a si.

Gangaw le Kalay karlak ah ralhrang a rak kaptu hna hi Gangaw mipi runvengtu PDF hna an si.motor lampi ah bomb an kamh i ralhrang nih an motor in an i lamh caah an motor pakhat zong ai t’hek dih tiah theih a si.Gangaw CDF nih an i kahdohnak kong cu mipi sin ah phuanzar lo ding an ti na in an mah lila nih mipi ralrin nak caah ti in an vun tar mi a si.

 

Relchap: 2020 thimnak ah mp atling mi pawl, mizoram na zaamnak hmun in rak kir law miphun nih tuanvo an lak khawh ko dawkaw? A ngaingai ti ahcun, CDF kan ngei, Miphun hriamtlai kan ngei ko i an sin ah na dor deuh ding asi.Kan nau le CDF caah thaithawh zaan riah chuanpiak, thazaang petu le thlacam piaktu, riahbuk hngaktu tal nan si ahcun aa dawhtuk mi MP nun pakhat asi hnga.

Upat hnu ah hriam nan tlaih lo cu kan theih thiam tuk ko, lungpang, thingpang, achukcho lak ah raltuk nan ti kho lo kan hngalh ko, asinain CDF thaithawh zaanriah chuan piak tal cu nan tha hnem ve awk asi.Anmah tein thazaang an i pe, tirawl an i chuan, chinram caah chungmang an manh, zaanmang an manh, rundai tang nun nuamh kal tak in a bingbo lak hmun, ramlak ah an caan an hman, an lamh mi hmun poh kha an run innpi le thlanmual ah an cang.


Ziah Kaya Ramkulh Vuanci hna khi PDF pasal tha pei aa chuah khi.Meithal na tlaih lo, na puah ve lo kan in ti lo, na miphun CDF hi bochan hna, himnak caah hmang hna, an sin ah himnak hal hna. Mizoram i himnak kawl cu Mark pek awk um lo mi himnak asi.

Credit: Lai Ram Laipa