Tuchun Ah Hakha Mipi Thongtla Mi Vialte Moses Lian Khup Chon Nih Rawl A Dangh Hna

Lomh um taktak mah bantuk lungput hi Chin miphun dihlak nih kan i cawn awk a si.Norway ah a ummi Moses Lian Khup Chon nih Hakha palik sakhaan ah an hrenmi hna thongtla zapi ca ah nihin September 16 zaanlei zaanriah a dangh hna tiah The Chin Journal nih a langhter.

Relchap:Kan theih bantuk in a tu lio Chinram kulh chung mipi hna cu ralhrangbu ruangah ralzaam dir hmun in mah inn lo tang hmanh ah um kho lo in hmun kip ah kan um i kan i t’hek darh cuahmah lio ah vawlei killi um Chin miphun hna le kawl miphun nih mah le ti khawh tawk cio in zuan hnawh le bawmchanh nak pek cuahmah bu in kan thi lai maw kan nung lai tiah kan i bawm i hmunhim kan kawl.

Cu lio ah Thailand ram chungah um kawl miphun cheukhat le Chin miphun khua ruat kho hna nih an mah le tikhawh tawk cio thawh khawm in Chinram kulh Mindat khua ralzaam hna caah phaisa zei maw zat bawmhnak an pek mi cu Thailand ram khuapi ဘန္​ေကာက္ khua ah a um mi Kawl pa U Myo Min Tun ti mi pa nih a deh hlen hna i a ningpi in phaisa bawmhnak cu a fir dih tiah theih a si.

Hi konghe pehtlai in PDF nih fianternak a vun tuah ningah cun Chinram kulh Mindat khua ralzaam hna caah Thailand ram um mi hna nih bawmhnak an pek mi cu Thailand ram khuapi ဘန္​ေကာက္ khua sizung pakhat ah rian t’uantu kawlpa U Myo Min Tun ti mi pa nih a dehhlen hna tiah theih a si a ti.

U Myo Min Tun hi Thailand ram mi Nu he an i nei i Thailand ram ဘန္​ေကာက္ khua ah Doctor rian a t’uan cuahmah mi a si.cu hlan zongah a mah U Myo Min Tun nih hin cuhlan zongah kawlram mi hna minung tampi a rak deh hlen cang hna tiah kan theih.Cucaah a tutan i Mindat ralzaam hna phaisa a dehhlen mi vialte hna cu a dih lak in pek t’han/khirh t’han dingah theihternak pek a si cang tiah a chim.

 

Credit: PDF ( Peng peng Fb )

Author: Salai Ephraim