Tuchun Ah Ralhrang A Rak Kai Mi Kahdohnak Le Thawngpang Dang Khawmhsuat Update Thar

KA, KNDF Ralkap Hna Nih An Thazaang Langhternak An Tuah: Karenni Miphun Ralkap Demosu zone, tatyin 1 chungum ralkap hna cu Oct 10 ni ah khuami hna he tonbiaruahnak an ngei tiah theih a si.KNDF ralkap hna nih “vawleipi hmanh nih aa lungsak lai lo” timi hla cu aw phunphun chuah in an sakpiak hna hnuah ralkap/raldoh cawlcanghnak, an thazaang langhternak le raldohnak in a thimi ralkap hna upat peknak caan an ngei tiah theih a si.Atu Kaya (Karenni) ramkulh chungah SAC ralhrangbu kahdohnak hna cu Karenni ralkap KA, Karenni Miphun Ralkap KNDF telh in Karenni mipi runvengtu bu hna an i fonh i kahdohnak an tuah cuahmah liopi a si tiah theih a si. Ref: Khit Thit Media

Pohpa Khua Chungah Ralhrang Nih An Luhhnawh I Khuami Thilri An Hrawhpiak: Sagaing ram then, Kanhbalu peng Pokpa khua cu Oct 10 ah ralhrang nih an luhhnawh i mipi ngeihmi inn chung thilri hna cu an hrawh, khuami pakhat cu an kulh i an tuk,an velh, phaisa sing 10 le phone 2 an kalpi tiah khuami hna nih ah an chim.Khuami pakhat cu an tuk/ an velh. Inn 4 chungah luhhnawh i inn chung thilri paoh cu an hrawh dih. Khua chung mipi sinin phone 2 le an velh mipa sinin phaisa sing 10 telh in inn chung thilri an laak piak.Inn chung ummi mi poh zong an ei dih. Khua chung mipi hna cu an zaam cio hna i, khua chungah minung zong an um pah rih ko lai tiah khua in a zaam mi pakhat nih achim.

Ralhrangbu hna cu Chiattin pengah umhmun an khuar hna i nichiar tein khua chungah luhhnawh in khua chung i mipi ngeihmi paoh cu hramhram in an chuh hna. An tlunkal caan zongah inn chungin a zohtu paoh cu kan in kah hna lai tiah an hrocer hna tiah theih a si. Ref: Khit Thit MediaHtilin PDF Nih Ralhrang Kuttaang Pyu Saw Htee Cu An kah hna Meithal 20 An lak than, Pyu Saw Htee pakhat a thi: Magwe ramthen, Hthilin khuapi ah Yii Taw khua kalnak pakhat ah saikal 3 in a ra mi Pyu Saw Htee phu hna cu Htiin PDF ralkap phu hna nih an kah hna i meithal 20 an lak i Pyu Saw Htee lei pakhat a thi tiah Htilin PDF nih an thanh.

Mah meithal hna cu Htee-lin PDF hna sin in ralhrang nih an lak piak mi methal pawl an si tiah kan theih. ” Hititin palek sakhan ah chiahmi meithal 20 cu Yee Taw ah Pyu Saw Htee phu hna an pek nak kong cu Htilin PDF nih thawng an rak theih cia caah lam ah an bawh hna i an rak kah hna. Pyu Saw Htee lei pakhat a thi. Mipi nih saikal 3 le meithal 20 an lak lai. Zeegone Myo Security Gate Bomb In Doh Palek 2 Thi 2 Hliam: Pago ramthen, Zee Gone peng, Security gate cu October 10 Zan Suimilam 11:00 leng hrawng ah kut cheh mi bomb in an doh hn i Palek 2 an thi, 2 an hliam tiah pawngkm thawngla tu hna sin in theih a si.

October 10 zan bomb in doh nak ruang ah Palek Thakyin Aung cu ahmun ah a thi colh i Palek Win Maw Oo cu ahliam hma ruang ah tuzing ah a thi thiah kan theih.“Tu tiang ah cun Palek 2 an thi tiah fiang tein kan theih, adang palek 2 zong an hliam hma a fak ngai tiah kan theih” tiah khuami pakhat nih achim.Kahdoh nak 6 aum a hliam mi ralhrang le BGF hna Metahwo(မဲသဝေါ) khua ah an put hna: Karen National Union Brigade (5) rallam cawlcangh nk hmun Phapun pengkomh chung ah ralhrang le BGF cheukhat cu bomb an i lamh 3 an hliam i October 10 ni ah mah hlaim ahmu mu ralhrang hna cu Methawo khua lei ah an put hna tiah KNU thawng thanh nak nih achim.

October 9 ni nikhat chung ah ralhrang le BGF i bawm in le KNLA Brigade (5), Brigade (7) afonh mi phu hna kar ah Dwelu peng ah voi 1, Mwe Hta khua pawng h zanlei Suimilam 1:20 in zan 6:40 chung kahdoh nak voi 5 hmaitonh kah doh nak aum tiah kan theih .Mah kahdoh nak ah Karen National Union (KNLA ) lei in a hlaim mi an um lo i ralhrang lei in pakhat thi 7 an hliam tiah KNU thawngthanh nak in theih asi.Palek Sakhan Pakhat Cu Tlangcung Hrialtlai Phu Nih Mei An Khangh: Sagaing ramthen, Dipeyin peng Hnaw khuakomh, Titya Aih palek sakhan pakhat cu nihin zan Suimilam 9:15 ah zeibantuk hriamtlai phu an si timi hngalh lomi nih mei an khangh tiah theih a si.Cu sakhan cu August thla thawkin palek hna umti loin an kaltak cangmi sakhan a si i, atu bantukin mei kangh tu hi zeibantuk phu a si ti hngalh lomi nih an tuah tiah theih a si.

Tuan ahcun Ye-U peng tlang leikap ummi ralhrangbu hna nih Titya Aih sakhan ah kan um lai timi thawng theih a si. An ratnak lampi ah kahdohnak a chuah ruangah an rak phan rih lo. Zeibantuk phu nih an tuah ti hi kan theih kho lo tiah khuami pakhat nih Khit Thit ah a chim.Cu palek sakhan i palek hna cu Dipeyin peng khuapi palek sakhan pakhat ah an fonh hna i, mei an khanghmi palek sakhan cu minung an um lo tiah theih a si.

By. Flowery Par ( The Chin Post)

Author: Salai Ephraim