Tuchun Ah Ralhrang Minung Sawmthum An Thah Khawh Hna

Loikaw kahdohnak ah Kawl Ralkap 30 hrawng an thi i 30 hrawng hliamh.September 29 Kayah Ramkulh, Loikaw Peng khuate ah kahdohnak a fak, Kawl Ralkap lei in minung 30 an thi i 30 hrawng an i hliam.Hi kahdohnak ah PDF in minung 4 le KNDF in ralkap 1 an nunnak a liam ve, tiah Kanrenni Nationalities Defense Force (KNDF) nih an thanh.

Zarh khat chung ah Kawl Ralkap 224 an thi i 38 hliamh.September 21 in 27 tiang zarh khat chung kahdohnak ah Kawl Ralkap 224 an thi i minung 38 hliam an tuar, tiah NUG Cozah in Runvennak Minister Zung (Ministry of Defence) nih September 29 ah a thanh.


Dalaan le khuabawi pawl an fimtawl hna.Yangon Ramthen, Thanhlin Peng Bogyoke khua ah Dalaan Kala@Ye Dain cu nihin September 29 zing ah meithal zuun 3 in ah kah i a thi.Sagaing Ramthen, Monywa Peng, Monzwe khuabawi U Myat Kyaw Thu zong Monywa Heroes Group (MHG) nih an fimtawl ve.

Minmu khua zong ah Dalaan le a hnuzuul pakhat an fimtawl rih hna.Dalaan lawng hlah, Pyu-saw-htee hruaitu tiin amin thang mi Sagaing Ramthen, Khin-U Peng, Thayat khuami Ko Win Thura (kum 45) cu nihin September 28 ah meithal kahnak in a thi, tiah Khit Thit Media nih a tial.

Credit: The Hakha Times

Author: Salai Ephraim