Tuchun Ah Tlangpi Khua Mi Pu Sang Kian Cazi Cu CDF Nih An Tlaih

Tuchun ah Thantlang peng Tlangpi khua mi Pu Sang Kian cu CDF nih an tlaih i hrem tiah kan theih.Thantlang peng Tlangpi khua mi Pu Sang Kian hi Thantlang SHS. No.1 Sianginn ah cazi rian a tuan cuahmah mi lio mi a si.Pu Sang Kian hi zeiruangah dah CDF nih an tlaih i an hrem ti mi a ruang zei hmanh theih khawh a si rih lo.

Cun Pu Sang Kian cu Tlangpi khua ah tlaih a si bantuk in Tlangpi khua mi hna zong nih zei ruangahdah hi thil hi a can ti mi le khuazei ah dah an kal pi ti mi kan thei loh tiah mi pakhat nih a si.CDF nih Pu Sang Kian cu an kalpi hnu in zeidah a cang timi theih khawh a si rih loh.Tlangpi khua hi CNA/F um nak hmun pakhat a si.Tlanglo he meng 4 hrawng ai hlat nak ah a um mi khua a si.

 

Relchap: CNF Spokesman: CNA ralbawi pakhat nih Pi Ca Tial akut ah meithal a khensual mi cu Ralkap phung in action lak ding in kan auh cang, kan Pi zong kan nawl lai.October 3 zing 8:30 AM tluk, Falam Peng Thipcang khuami Pi Ca Tial cu CNA ralbawi pakhat nih akut ah meithal in a khensual mi kong ah

Ralkap phung in dantat ding ah kan auh cang i kan Pi Ca Tial zong kan nawl lai, tiah CNF Chimnak Nawlngeitu Salai Htet Ni nih The Hakha Times ah a fianter.”Sual huahtu cu kan tlaih cang i atu hi dantat ding ah kan auh cang. Ralkap nih zulhphung, dun le dan (Army Law) kan ngeih bantuk in action kan lak (dantat) colh ko lai.

Kan Pi zong a si khawh chung in kan nawl lai,” tiah CNF Chimnak Nawlngeitu Salai Htet Ni nih The Hakha Times ah a chim.

Pi Ca Tial cu CNA ralbawi pakhat nih thil a suuk lio, akehlei kut ah a khensual i a tithawl zong a kuai dih. Amah hi October 2 tekhan zu a ri i a kuttang minung zong a velh len hna, tiah min langhter lo mi pakhat nih a facebook cahmai ah a tial.

 

Credit: The Hakha Times

Author: Salai Ephraim