Tuchun CDF Matupi In Salai Tung Mang Le Salai Mang Lian Aung Nih An Nunnak An Pek Ning

CDF-Matupi Battalion-1 in ralkap pahnih nih ram le miphun ca ah nunnak an pek Mindat-Matupi lam, meng 70 kiangkap ah nizan in Council ralhraang he i kahnak a chuak i CDF-Matupi Battalion-1 in Salai Tung Mang le Salai Lian Aung nih ram le miphun ca ah nunnak an pek tiah theih a si.Salai Tung Mang le Salai Lian Aung cu Ralhraang nih hramhram in uknak an laak ka in an nunnak a dih tiang, pehtlai le i din lo tein ram le miphun ca ah a cawlcaang mi le ral a do mi an si tiah theih a si.

Relchap:Nizan Falam peng kahdohnak Update Falam peng chung hmun pakhat ah CNDF nih mine an domi cu January 19 ni ahkhan SAC ralhrang hna nih voithum bak an lamh sual caah SAC Kawl ralhrang 7 an thi i minung 10 hliam an tuar. SAC Kawl ralhrang lei i, Captain pakhat cu a kehnih a bul i, cu hna Kawl ralkap hruaitubik cu a mit a caw tiah thawngpang theih a si.

January 23, 2022 ni ahkhan Falam peng, Zawnglei khua pawng ah CNA, CNDF ṭangți nih SAC Kawl ralhrang a ra liomi cu chunnitlak an rak kah hna caah, SAC ralhrang lei in minung 13 an thi i, 11 hliam an tuar. CNDF lei in paralṭha pakhat a nunnak a liam i, țangți Chin ralkap lei in hliam faak lemlo hmumi 4 an um.

Cun January 25 ahkhan CNDF le CNA ṭangți in SAC Kawl ralhrang he an i kap țhan i, Kawl Ralhrang 4 an thi i, minung 5 hliam an tuar. Pathian kilvennak in Chin ralkap țangți lei in hliamtuar an um lo tiah theih a si.

Credit: Salai Thomas Lian

Author: Salai Ephraim