Tuchun Cu Dalaan Pakhat Ruangah Mandalay Mipi Hriamnam Tam Taktak Ralhrangbu Nih An Tlaih

Dalaan nih phuan ruang ah Mandalay Ramthen Madaya peng Mandalay Moekoh lam cung ah Htrawlargye motor in an rak phurh mi hriamnam cu SAC Palek nih August 8 zinglei ah an tlaih.AK 22 meithal zuun 60, kutcheh-bomb 80, ENERGA 85, bullets 110, kuan phuntling 8000 hrawng tibantuk an tlaih hna tiah Mizzima nih a langhter.

Relchap: Tuzing Ruah Awk Mi thinlung dik lomi bawmhchanh cu langaak rawl peek he ai lo. Thil țha an herh caan lawng ah an ra lai. Rawl petu an thei lai lo. Rawl petu cungah an i lawm fawn lai lo.Nu zuangzam he i țhit-umh cu tiva chung i a ummi ngarul kut i va tlaih bantuuk asi.


Na tlai kho taktak lai lo. Na tlaih ko buin ai zuuk țualmal ko lai.Nu fel lo he i umh cu cangvat zuat bantuk asi. Tlawm tete in na thi an dawp peng lai i adonghnaak ahcun na ruh lawng a taang lai.Mifel lo he rianțuan ți cu rul-mitcaw taisawm i isawmh bantuk asi.

Zei thil țha dah an tuah lai timi caah ruahchan awk a um lo. A țha ciami zeidah an hrawh than lai ti kan ngiat nak hna ah kan thi deng.Nupi vuak (velh) a hmangmi va ngeih cu vomkhuai he khuasak ți bantuk asi. A herh ah, herh lo ah an cumh tlutlur lai. Fale hna aukhuan thawng cu dawtu nu le pa caah cun vate awnh bantukin ngaih a nuam.

Credit: Aung Myint Thang