Tuchun Falam peng Rihkhuadar khua pawng Țio le Haimual khua karlak ah CDF kahdohnak

Tuchun Falam peng Rihkhuadar khua pawng Țio le Haimual khua karlak ah CDF-Hualngoram, CNA țangți le Kawl ralhrang an i kap, Rihkhuadar khuami cheuthum ah cheuhnih cu India ram (Zokhuathar) lei ah an zaam. Chin ralkap țangți CDF-Hualngoram le CNA lei siseh, Kawl ralhrang lei siseh a thi aa hliammi an um le um lo theih si lo.

Tutan kahdohnak ahhin ZRA nih Kawl ralhrang lam an hruai hna ti theih a si. Zarh thawk ahkhan Tedim lei in Rih tidil pawng ralhrang camp ah Kawl ralhrang minung 50 an rak phan bal.Tuzing Suimilam 10 hrawng ahkhan Kalaymyo in Laitlang lei ah Kawl ralhrang mawtaw 22 hrawng a kal.

Mawtaw chung ah fangtun pawl le Kawl ralkap 5 cio (mawtaw pakhat ah) an um tiah theih a si.Chauhțuh khua a ummi ralhrang nih hmun hlaat kahnak miakpi in Laitlang lei voi-tampi an kah caah Mindat peng Lilawng khua ah bom hnih a tla i, inn 2 a kaang.

Credit:Salai Thomas Lian

Author: Salai Ephraim