Tuchun Kalaymyo A Chuak Mi Ralhrang Nih Lamkam Ah Hmanh Mi Bomb An Kawl Lio Ah Kalay Pasal Tha Nih An Phomh Hna

Oct 3: PDF-Kalay, CNDF Le Ralhrang Kahdohnak Thawngthanh: Oct 3, tuni ah Kalaymyo in chaklei ah a kalmi ralhrang mawtaw le chungkhar mawtaw, a dihlak mawtaw 8 hna cu Kalay GTC pawngah chikhat an dir i lamkam ah bomb an kawl lioah timhcia tein hmanhmi bomb cu PDF Kalay nih an puahhnawh hna. Ralhrang pakhat a thi.

Ralhrang nih cun ruahdamh in an kah len hnuah an cheklei ah an lan i Thayagone khua pawngah PDF Kalay nih an kah than hna. Ralhrang mawtaw pahnih a rawk i ralhrang pathum an thi, tam nawn hliam an tuar.

Ralhrang hna cu Siitha khua pawngah an vun i funtom than i a taangmi mawtaw 6 he an lamthluan an peh. Asinain 11:00 am ah Pamunchaung hlei le Aung Chian Tha khua karlak ah PDF Kalay le CNDF nih an kah nolh hna i ralhrang mawtaw 3 le chungkhat mawtaw Parado 1 cu an rawk cikcek. A chungah a ummi ralhrang 10 nak tlawmlo an thi.

PDF Kalay le CNDF hna cu hliamtuar le a thimi um lo tein an i zukphiak kho.Kalay-Gangaw le Kalay-Tamu lam ah zeitik caan paoh ah kahdohnak a um khawh caah ahohmanh mawtaw in tlunkal rih lo dingah PDF Kalay nih ralrin peknak ca an chuah than.

By. Salai CP Lian ‚Äč

Author: Salai Ephraim