Tuchun Rakhine Ram Chungah An Ithah Ning Cung Tuksum Taktak A Si An Hnawng An Tan Hna I Lam Lai Ah An Chiah Tak Hna

Sep 10.2019 zinglei suimilam 6 hrawngah Rakhine ramkulh chung a si mi Ann pengtlang chungah aummi Meletmawng khua chungah Kanthawnggyi khuami hna minung pahnih hna cu an hnawng an tan hna i cu ci cun lam lai ah an hrilh ta hna tiah Kanthawnggyi khuami hna nih an chim.hi konghe pehtlai in Mepung pengtlang uktu an khuabawi U Zar Nay Kyaw nih cun hi tibantuk in thil a can hi zinglei suimilam 6 hrawngah a si tiah a chim.

Cun, an ruak an chiah nak hmun hi Kanthawnggyi khuapi chung zalam pi ah an chiah tak hna tiah a chim.mithi ruak pahnih hna cu lak an si i a tu ah Kanthawnggyi sizung i mithi ruak chiah nak inn ah chiah rih an si.an thah mi hna hi an taksa zoh tik ah kum 40 hrawng minung an si.minung pakhat deuh hi cu Kanthawnggyi khuapi chungah khuasa mi a si i a min ah Nyi Nyi Htwe a si. pakhat cu Ann khuapi ah a um mi a si Maung Lung hna an si tiah a chim.

 

Cun,hi tibantuk in Kanthawnggyi khuapi chungah thihlonak fak tuk mi kan ton lio ah hin Ann pengtlang chungah a um mi Meletmawng khua chungah minung pakhat cu a tu bantuk in mi zei an si ti theihlo mi hna nih a hnawg an rak tan ve.mithat tu hna hi mi zei set dah an si tiah theih khawh an si rih lo i dothlat cuahmah le kawl cuahmah lio an si tiah an khuabawi U Wai Lyn nih a chim.

Meletmawng khua ah an thah mi hi U Khaing ti an kawh i a hnawg an tan hnu ah motor lampi a chak lei ah an chiah ta.cu hlan ah cun a tu bantuk in i thah nawn nak hna hi a um hraw lo tatmadaw le hriam tlai pawl hna i kahdohnak ti lo ah cun a cang bal mithil a si lo.a tu hi a voi khat nak thil a cang mi a si tiah a chim.hi konghe pehtlai in mithattu hna cu Rakhine ramkulh chungum palik pawl hna nih dothlatnak an tuah cuahmah lio a si tiah a chim.

Credit: chindwinpost

Author: Salai Ephraim