Tuchun Rihkhuadar Kahdohnak Ah Ralhrangbawizik Telh In Tam Lak Te Hna An Si

Rihkhawdar kahdohnak ah ralbawi zik Win Myo Aung nunnak liam 2022 August 10 Falam Peng, Rihkhawdar ralhrang sakhan CNDF, PDF Zoland,CDM-Siyin le MEDF karlah kahdohnak ah mipi ralkap lei nih Rihkhawdar ralhrang sakhan hruaitu ralbawizik Win Myo Aung telh in ralhrang panga an nunnak a liam tiah CNDF nih cathanhba chuah.

CNDF nih cathanh a chuah mi chung ah, “Nihin kahdohnak ahhin suimilaam 5 fai i kah a si. Hi kahdohnak ah ralhrang lei in ralkap bawizik pakhat telh in minung panga an thi. Kanmah mipi ralkap lei in hliam tuar mi pakhat a um nain a fak lo,” tiah an tial.

Nihin Falam Peng kahdohnak a chuah tlawmpal ah ralhrang lei in Jet Fighter pakhat cu an sakhan cung ah voi li aa hel i a kir than. Cun, ralhrang lei hriamnam ngan in khuami pakhat a nunnak a liam i minung pathum hliam a tuar.Nihin August 10 Chin Ramkulh chung ah kahdohnak hmun hnih ah a chuak i khuami pahnih nunnak a liam.

Credit: Chin Cable Network Channel

Author: Salai Ephraim