Tuchun Thantlang Inn Hra Renglo A Kangh Pin Ah Pastor Cung Biak Hum An Kah Thah

Pastor Cung Biak Hum (Biak Kolh) cu Thantlang ah SAC ralkap nih Market hmai ah an kah i mual a liam, tiah kan theih.Amah hi MIT, Yangon in sianginn a dih hnu, Thantlang TCBC ah Mino Pastor a tuan lio mi a si.

“Pastor dang hna he Thantlang Sianginn Sang mei kaang phalh ding ah an kal i market an phanh ah khin an kah hi a si. A hawile cu an i thup/duup manh,” tiah khuami pakhat nih The Hakha Times ah a chim.Kan theih khawh nakhnga hlasakthiam Pi Sui Tha Par pasal a si.


Tuchun September 18 ah Thantlang khuachung ah SAC ralkap nih inn lak ah hriamngan an puah caah mizapi inn 10 leng pi a kaang i a ciam dih, tiah kan theih.” Ralokap pawl nih mipi inn ah an lut i thilri le tangka tampi an lak. Cu hnu ah hriamngan in an kah. An hriamnam thawng a than tuk caah a kan tlirh dih.

An kah hnu tlawmpal ah Bangla sang ah inn a kaang, a pawngkam inn a tleih thluahmah i inn 10 leng a ciam cang.” tiah Thantlang Khua mi pakhat nih The Hakha Times ah a chim.September 18 zanlei Thantlang inn kangh mi kong ah meithat motor cu khua mi nih an chonh ko nain meithat zung um mi chungkhar pakhat kuan fang nih a khen caah mei phalh ah a rak kai kho lo.

Credit: Laica+Tha Hakha Times

Author: Salai Ephraim