Tuchun Thantlang Kahdohnak Ah Thawng Fiang Thei Lo Bu In CNA Le CDF Sual Nan Phawt Mi Hna Cu Mimak Tak Nan Si

Nihin ah CDF le CNA i bom in raltuknak a chuak tthan.Kawl ralhrang nih CDF/CNA control area an tinak Siangin sang tiang an van fuh hna caah raltuknak a chuak. Ralhrang lei a thi le hliam a tuarmi thei a si lo. Sihmanhsehlaw Ralhrang nih siangin sang tam lak an khangh tthan tiah theih a si.

CDF lei in minung pahnih nih hliam an tuar. Mipi nih, “ziah hme siangin sang cu kan control cang an ti, inn cu an khangh tthan ne” tiah an phun zai. Hihi phun zai ding a si lo. Inn khangh cu ral sungh ruang ah a si lo. Ralhrang 10 chung ah 6 an thih ah cun teinak lianpi a si.Cun CDF nih hnu an pil i Ralhrang nih siangin an control khawh tthan a si ah cun CDF an sung tinak a si ve.

Hi pahnih sunghnak ah thawng fiang thei khawh a si rih lo.Update thar kan rak tuah tthan lai. Dr. Ngun Cung Lian nih keimah um hlah ning law Victoria Camp khi an lak cang lai a timi hi zumh thlu awk a ttha lo. Zumh lo thlu awk zong a ttha lo. Cu kong cu ka van ttial chap te lai.

Credit: Global Village News

Author: Salai Ephraim