Tuchun Thantlang Khuapi Kahdohnak Ah CDF Nih Ralhrang Minung Pa Ruk An Thah I Pariat Nak Tam Hliam An Tuar

Thantlang Khuachung Kahdohnak Ah SAC Ralkap 6 An Thih Pin Ah 8 Nak Tam Hliam An Tuar.May,23 Thantlang khuachung kahdohnak ah SAC ralkap 6 an thi, 8 leng hliam an tuar i Chin ralkap 4 hliam an tuar nain an hliamhma a fak tuk lo tiah theih asi.

May 23 zinglei slm 6:30 zaanlei slm 2:30 tiang Thantlang khuachung hmunkip ah kahdohnak a chuak i SAC ralkap 6 an thih pin ah a tlawmbik 8 hliam an tuar tiah kan theih, Kahdohnak ah Chin ralkap 4 hliam an tuar nain an hliamhma afak tuk lo i thinphan ding a um lem lo, SAC ralkap hna nih cun inn zong tam lakte an khangh i a zat fiang in hngalh khawh asi rih lo tiah kan theih tiah the chin post nih a langhter.

 

Relchap:Chin ramkulh, Falam peng Rihkhuadar block 1, SAC ralkap sakhan ah nihin May 23 chunhnu suimilam 2:30 hrawng in meithal thawng le hriamngan puah thawng theih a si tiah khuami nih an chim.

March 29 ah Rihkhuadar ramri gate CNDF nih umhmun an khuarnak cu SAC ralkap nih an rak lak hnu in a tu hi, meithal puahthawng le hriamngan puahthawng kan theih a voikhatnak a si tiah an chim.Rihkhuadar Block 1 sang ummi pakhat nih cun ” meithal puahthawng cu kaphnih i kahnak bantuk in thawng theih a si, hriamngan puahthawng voili hrawng kan theih, mipi lei hliamhma tuar tibantuk cu a umlo” tiah a chim.

Credit: The Chin Post

Author: Salai Ephraim