Tuchun Thantlang Khuapi Ralhrang Cu CDF Thantlang Nih Minung Panga An Thah Hna

Tuchun Sui Thantlang khuapi chungah kahdohnak a chuak.CDF-Thantlang le Ralhrangbu hna cu tuzing suimilam 10 in 11 tiang an i kap i, CDF Thantlang nih ralhrang bu cu minung pa nga 5 um hmun ril in an kah thah khawh hna tiah theih a si pin ah CDF Thantlang zong nih fehternak a tuah.

Tuchun CDF Thantlang le Ralhrang kahdohnak ruangah CDF lei cu minung pakhat hmanh hliamhma a tuar mi le mithi an um loh.Ralhrangbu lei minung 5 an thih pin ah ralhrang tampi nih hliamhma an tuar/pu tiah theih a si.

 

Relchap: Ralrin Thawngthanhnak,Hakha Khua um nule pa ule nau hna- atu hrawng cu khua chung kahdohnak ruang ah thinphang thlalau in kan um i mah inn hmanh ah it ngam loin a himdeuhnak chungkhat hawikom sin ah a riakmi kan tam ngaingai cang. Culawng siloin zan ttim ah innkip milu chek le mi cheu khat tlaih in an kan luhhnawh tik ah kan thin a phang chinchin.

Cucaah hi kong he pehtlai in kan pastorte nih kap hnih tuanvo ngeitu hna he ton biaruahnak ngeih hnu ah a tanglei bantuk in thawng kan in thanh hna.1.CDF cu zapi himnak a ruatmi le zapi caah riantuanmi an si bantuk in khuachung i kahdohnak a si khawhchung in hrial le zapi harnak phakter loding an kan zuampiak lai.

2.Ralhrang nih khuachung i kahdohnak thok hmasa loding le zapi tlerhkhonhnak, a herh lo ah meithal puahnak tuah loding in i chimhchawnh a si caah thinphangtuk le lautuk in um loding.3.Ralhrang nih innkip ah vah in chungkhar cazin an chek tik ah ttih lo tein innka hunpiak i ingthawngsuh cazin(အိမ်ထောင်စုစာရင်း) hmuhsak ding. Chungkhar minung le sualnak ngeilo mi an tlaih ahcun Rev. Ngun Thawng Mang..092451062 le Rev. Ni Cung Thang.09421158480 sin ah thawng thanh colh ding.

 

4.Sang dang midang inn ah nan va riah a si ahcun ingthawngsuh cazin i ken ding.
5. Khua dang in Hakha ah a rak i dormi hna nih ingthawngsuh cazin i ken pin ah မြို့နယ်အုပ်ချုပ်စီမံရေးရုံး myone zung ah khualtlung cazin ဧည့်စာရင်း pekding.6. Khua dang in siseh Hakha khuachung in siseh IDP Camp ah um a duhmi hna nih CCU Baibal sianginn Cawbuk le CCF i camp tuanvo ngeitu sinah pehtlaih in um khawh a si cang (Rev.Thawng Hlei Thang, Rev. Ni Cung Thang).

4.Inn le lo kan zamtaak tikah ralhrang pawl caah caan tha a si i inn le thilri a him lo chinchin caah Hakha khua chuahtaak in khuate lei kalding cu i timh rih loding in kan in sawm fawn hna.Pathian nih in kilveng ko hna seh.Public Relation Team, Hakha
(Zapi nih an theih khawh cio naklai share rak kan bawm ve.)

Credit:Daniel Pa

Author: Salai Ephraim