Tuchun TIang Sui Thantlang Khuapi A Chuah Tak Cangmi Hna A Zat Langhter A Si Cang

Tuchun September 17 tiang ah Thantlang khuami ralzaam 500 renglo an si cang. Thantlang Placement Affairs Committee (TPAC) nih Thantlang khuami hna khuate lei ah siseh, Mizoram ah siseh, a zaam mi hna hi September 17 tiang ah minung 5227 an si cang tiah an thanh.

“Ni khat hnu ni khat, Thantlang peng khuate lei ah ralzam mi kan kharh chin lengmang ko. 17.Sep.2021 tiang ah Thantlang Placement Affairs Committee nih cazin kan lak khawh mi ning in, Vailam tlang ah 1601, Bual peng ah 714, Khuahring tlang ah 555, Zahnak tlang ah 2314 hna le, varal pet mi 43, dihlak fonh ah 5227 an si,” tiah an thanh.

Ralzaam dirhmun in a dir mi kan unau hna cu mah le hmunhma a si lonak hmun ah hmunhma khuar in thutdir cio an si.

Eidin lei in siseh ngandamnak lei in siseh tawlreltu le tlangtlatu herh in an um lio a si. TPAC nih a si khawhthawk in cazin lak le thialkaamnak tawlrelpiak liopi a si, tiah kan theih.Thantlang Placement Affairs Committee.

Credit: Laica+ The Hakha Times

Author: Salai Ephraim