Tuluk A Fir Mit Au Ruangah An Ram Chungah Mi Fimthiam Luhte A Duh Ti Loh Hih

WHO Nih Covid 19 A Voihnihnak Hlathlai Ding Taluk Nih A Duh Lo Covid-19 hramthawknak kong he pehtlaih in WHO nih tukum hramthawk lei ah khan Taluk ram Wuhan thil hneksaknak hmun ah a tuah hnuah voi 2 nak kal dingin a ti mi cu Taluk nih a duh lo.

Hi kong pehtlaih in Taluk ngandamnak lei commission vuanci Zeng Yixin nih WHO thil tuah ning cu khuaruahhar a si tiin a chim.WHO zong nih Taluk nih bialehnak a kan tuah mi cu a langtlang lo tuk mi a si.Taluk nih covid-19 hi Wuhan lab in a chuak mi a si ti a pheh rih ko.

WHO nih a herh rih mi tette pawl kan herh rih mi a um rih caah kal than kan k timh mi a si tiah an ti.Taluk nihcun covid zawtnak hi saram in a chuak mi a si.WHO nih hin Vawlei cung ramdang hna sin zong ah hlathlainak an tuah ve ding a si a ti ve.

Wuhan National Biosafety Laboratory ah rian a rak tuan bal mi Yuan Zhiming nih corona virus cu Taluk ram ah a um mi laboratory pahnih lakah pakhat sin in a chuak mi a si lai tiin a chim.Wuhan ah a voi 2 nak zohfelnak tuah ding hi kan hnu zarh chungah tuah mi a thli in ton biaruahnak ah WHO upa Tedros Adhanom Ghebreyesus nih a chuahpi mi a si.

Ref: Al jazeera

Author: Salai Ephraim