Tuluk Nih Thang A Kamhnak Rili Cu US Nih A Pah Chih Na In Tuluk Cu A Dai Zuar Ko

US le Taiwan karlak ah Tuluk nih a raltuknak tilawng a do mi hna cu US nawlngaihnak hmangin Tiananmen anniversary a kum 31nak ah Taiwan Strait or Formosa Strait nih cun a pah chih na in Tuluk cu daizuar in a um t’han.hi lio ah hin Hong Kong ram chungah Curfew an tuah mi cu mipi nih pahchih in phazongdan”candle”an van i lengah an chuak.cu zong cu Tuluk nih ka khat hmanh a let hngam hna lo.

Tiananmen anniversary kum 31nak ni cu Hong Kong parliament nih cun Tuluk “China National”ram mi hna nih Hong Kong ram chungah ningcang lo in khuasa mi le an miphun a nehsawh tu hna lak ah hremnak le dantat nak pek khawh nak ding “Bill” pakhat an ser khawh.asinain Tuluk cozah nih Hong Kong a hmuh ning le a cohlan ning cu aa dang hlei lo.cu hlan bantuk in Hong Kong cu a mah duh ningin umter a timh peng rih t’hiam.

Hong Kong ram mipi hna nih “Tiananmen anniversary”a voi 31nak an hman ning cu a luancia kum 31 chungah khan Tuluk cozah lak in hremnak le thihlohnak a tong mi le,Tuluk cozah lak sin(Democracy) uknak duh ruangah a rak zam mi hna le thihlonak a rak tong mi hna,harsatnak a phun phun in a rak tong mi hna,hringhram lo in Tuluk cozah nih a rak thah mi hna vialte hna philhlonak le upat pek nak in caan an hmang tiah theih a si.

Tuluk nih cun hriamnam lei in US cu a hrocer cuahmah,a cozah ralkap hna training tuah ning le an cawlcangh ning,zei tluk in dah Tuluk nih hriamnam lei ah kar an hlan cang ti mi cu vawlei pi theih in a phozar cuahmah na in US nih Taiwan strait, U.S. Pacific Fleet ah a um mi”USS Russell, Arleigh Burke class destroyer” pi cu Tuluk nih umkal a senh lo nak hmun lai bak in a kalter tiah Taiwan’s Defence Ministry nih cun a chim.