Turkey Cozah Nih Hriamnam Tha A Ngeih Le Cangka In Tihnung Ah A Tuah Taktak Ko Cang

Kurdish ram hi Kurds ti zongah a min theih mi a si.Kurds ram hi Iraq ram le Turkey le Iran le Syria ram,ram pali hna karlak teah a um mi a si.zahan ah khan Turkey cozah nih a raltuk nak vanlawng in a kah ciammam hna i tam lakte a hliam hna pin ah Kurdish cozah nih a hriamnam a chiah nak hmun le thilri tampi a rawh piak hna tiah an chim.

Hi konghe pehtlai in Turkey defence minister Hulusi Akar nih cun Kurdish cozah nih a hriamnam a uar ngaimi le a raltuknak thilri an chiahnak le an hriamnam tampi kan rawh piak hna tiah fiang ngai in a chim.Kurdish cozah palai hna nih an chim ningah cun nizan nai ah Kurdish ramchungah a um mi Turkey diplomats palai pakhat cu thah a si i,cu ruangah cun Turkey nih hi thil a tuahmi hi a si tiah a chim.

 

Turkey ram palai an thah mi hi Ca cawn nithum ni ah khan a si i,a ruak cu Iraq ram in Kurdish ram chung lei ah char a si.a mah belte Turkey palai a thih nak konghe pehtlai in zei hmanh biafiang theih a si loh.cun, Turkey palai an thah lio cu fiang tein hmuh a si i,minung pahnih nih taksa i tuan dih in meithal in an kah pin ah civil minung pathum an thi.a kaptu hna hi mi zei an si ti theih lo in an zam beh tiah an chim.

Turkey president Recep Tayyip Erdogan photo.

Turkey president Recep Tayyip Erdogan nih cun hi thik kongah Iraq cozah nih biafiang a hmuh chuah awk a si lai tiah Iraq tu sual a phawt tik ah Iraq foreign minister Mohammed AlHakim nih cun Terkey president Recep nih mah bantuk bia a chim mi cu kap hnih ramkar lak ah remdaihnak ser lo in ral ah a kan sertu thil a si kho tiah a chim.hi thah nak kongah Iraq security forces nih an zumh ningah cun Kurdistan Workers Party pawl hna thil tuah mi sidawh a si tiah an chim.asinain an si bak ko tiah tehte zei hmanh a um rih lo.

Source: BBC

Author: Salai Ephraim