Turkey Cozah Nih Russia S-400 Missile Defence Cu Ka Cawk Lai I US A Holh Ah Cun

Turkey cozah nih Russia nih a neih mi hriamnam t’ihnung S-400 missile defence system cu cawk dingah biachahnak a rak tuah cang.asinain US cozah nih cun hi hriamnam S-400 missile defence system cu Turkey nih a neih rih awk a si lo tiah a mah nih a neih mi hriamnam dangdang in thlen nawn le a mah tatu cawk ter a rak tinh.

 

Hi konghe pehtlai in Turkey Defence Minister Hulusi Akar nih cun Russia S-400 missile defence system cu Turkey nih cawk hrimhrim dingin biachahnak kan tuah cang i a let kho kan si ti lo.cun hi S-400 missile defence system kan cawk ruangah US nih a mah duh paoh in Turkey cozah cu an kan tuah kho lai lo i Turkey nih US cu a t’ih zong kan t’ih fawn lo tiah a chim.

 

Cun President Recep Tayyip Erdogan zong nih S-400 cu kan cawk lai i US nih a duh ning paoh in Turkey ram cungah harsatnak cu tlukter tuah seh.kan cungah zei set dah a tuah khawh ti cu kan zoh lai cu tiah a chim.cun Turkey nih hin S-400 a cawk dih bak in Russia nih a siam cuahmah mi S-500 nei kho t’han dingin an mah Russia he rian kan t’uanti lai tiah a chim fawn.

Source: CNN