Turkey Cozah Nih Zeizawng Teah A Bochan Taktak Mi Pakhat Cu Iraq Ram Ah Tengbak In An Kah Piak Hna

Turkish diplomat rian t’uan cuahmah lio mi minung pakhat cu tuchun ah northern Iraq ram chung khuapi a si mi Ankara khua ah ningcanglo taktak in thah a si tiah Turkey’s state-run news agency nih cun an chim.a tutan i an thah mi hi Turkey cozah nih a zei zong teah an i bochan mi le an i rinhchan taktak mi a si i, a thih nak konghe pehtlai in Turkey cozah nih a dih dongh tiang bak in dothlatnak tuah a timh.

Turkish diplomat rian t’uan cuahmah lio mi pa hi a min cu an langhter lo.an thah nak konghe pehtlai in Turkish diplomat rian t’uan cuahmah lio mi an thah mi pa hi Iraq ram chung a si mi Ankara he a tlai mi Irbil khua restaurant pakhat ah a din i, ruah lo pi in a dinh nak hmun restaurant cu kah a si caah a mah zong hi an kah chih nak a si,a thih nak konghe pehtlai in Iraq nih Turkey cungah zei hmanh tuah sual mi an nei lo, thil a cang sual mi a si tiah Anadolu Agency hna nih cun an chim.

Local Iraqi Kurdish news thawngzamhtu Mr Rudaw nih cun Turkish diplomat a thih nak hmun hna hi ralhrang hna tlawnlen nak hmun a si i,Iraq ram chung hmanh ah hmun a him lo nak cem pawl ah a tel mi a si tiah a chim.asinain Turkish diplomat thih nak konghe pehtlai in zei hmanh biafiang a chim mi a um ve lo.a mah belte hi thih nak konghe pehtlai in dothlatnak tuah cuahmah a si tiah an chim.

Hi thih nak konghe pehtlai in Turkish media reports pawl hna nih an chim ningah cun Iraq ram chungah Turkey ram mi an thah mi hna lak ah hin Turkish diplomat lawng si lo in a hawi le dang minung pahnih hna zong an thah chih fawn hna,cu pin ah mi dang an hawi le hna zong hliamhma a tuar mi an um rih tiah an chim.Turkish Foreign Ministry nih cun hi thihnak konghe pehtlai in Iraq nih t’uanvo a lak awk a si lai,zeicahtiah a mah ram chung thil a cang mi a si tiah a chim.

Source: AP

Author: Salai Ephraim