Turkey Cu Arab League Ram 22 Hna Le Germany Le France Nih Hrem An Timh Ko Cang A Ruang

Turkey le Syria ramri ah khuasa mi Kurdish miphun hna lak ah Turkey nih i sum reng lo bak in hriamnam t’ihnung in a kah hna ruangah Germany le France ram hna nih cun Turkey ram sin ah hriamnam zuar an timh mi cu Turkey sin ah zei bantuk hriamnam hmanh kan zuar in kan pe lai lo tiah a chim.hi ram hnih hna nih Turkey cungah tuah an timh mi cu Italy cozah zong nih Turkey ram he rian t’uanti dingin timhlamnah an ngeih mi cu hnawl t’han a timh.

Cun,Arab League ram 22 hna zong nih Turkey nih Kurdish miphun a thah hna ning le a doh/tuk ning hna cu Turkey ram hi zei tin tuah ah dah a t’hat lai tiah i cei hmai nak an tuah cuahmah.hi i tuk den nak konghe pehtlai in Germany Chancellor Angela Merkel nih cun Turkish President Recep Tayyip Erdogan cu a chawnh i Kurdish miphun hna cung ah a tuah cuahmah mithil hna hi na mak awk a si tiah nawlpatnak a tuah.asinain President Recep Tayyip Erdogan nih cun zei hmanh ah a rel lo i hriamnam a hman cuahmah t’hiam rih tiah an chim.

Israel nih cun Kurdish miphun hna cu a rauh hlan ah ramdang mi hna nih an zuan hnawh hna lai i,an herh mi tirawl, hnipuan fenh-eih tiangin an cawmhchanh hna lai tiah a chim.a mahbelte Turkey nih Kurdish a tuk mi kongah a ingtu Kurdish lei nih thanhnak zei hmanh an tuah mi a um hrawlo. Cun, Turkey nih thanhnak a tuah ningah cun tuchun (sunday) tiangah Turkey nih Kurdish ralkap minung 440 an thah cang hna pin ah an ralkap 26 an tleih hna i an mah tein Turkey sin ah a up mi hna hi 24 an si cang tiah a chim.

Cun,Turkey nih Kurdish miphun hna um nak khua M4 Highway khua le Ras al Ayn le Tel Abyad khua an lak cangi an mah kut tangah an chiah cang.America nih cun a ralkap minung1,000 hrawng hna cu North Eastern Syria ram chung ah a um ter rih hna tik ah Trump nih Turkey le Kurdish buaibainak ah zei hmanh a chim hna lo hlei ah Syria ram cung ah um rih dingah a ralkap pawl hna nih nawl a pek t’han hna tiah an chim.

Source:AF

Author: Salai Ephraim