America ram caah cun Syria ram hi cu an ral taktak ah mipi nih ruah mi an si.cu pin ah America le Turkey ram zong hi nai hrawng cu an iu rem lo taktak.Turkey nih Russia sermi hriamnam t’ihnung a cawk ruangah zei maw zat cu America nih Turkey ram he rian an t’uant’i nak le an i pehtleih nak hna cu a chah bang cang.
America official pawl hna nih an chim ningah cun Turkey le America ram hna nih Syria ram cu remdanhnak serpi hnu ah Syria ram cu hmangin America le Turkey ram nih i bawmmi “safe zone deal ” tuah dingin biachahnak tuah a si cang tiah an chim.cun, hi thil konghe pehtlai in Ram pahnih defence minister pawl hna nih zei maw can i ceiht’i nak le tawl relt’i nak an ngeih hnu ah hi ti bantuk in biachahnak an tuah hi a si tiah an chim fawn.
Cun, Turkey defense minister Hulusi Akar le US defence chief Mark Esper hna nih an chim ningah cun ram pahnih rian t’uanti nak caah le i pehtleihnak ding caah Syria ram chungah “safe zone deal ” tuah kan timh mi a si tiah an chim. asinain America le Turkey ram hna nih Syria ram chungah mah bantuk thil tuah an timh mi kongah Syria cozah nih ka khat hmanh lehnak bia a chim hraw rihlo.
Cu pin ah Syria nih America ram le Turkey ram hna caah ka ram cu ka sian ko tiah a cohlan hna nak le a cohlan hna lo nak zong zei hmanh a langhter lo bu ah kaphnih ram hna nih cun kan tuah hrimhrim lai tiah an chim.hi konghe pehtlai in a rauh hlan ah America ram palai hna le Turkey ram palai hna cu Turkey ram khuapi a si mi Ankara khuapi chungah ton biaruahnak tuah a si lai tiah an chim.
Source: BBC
