Turkey nih Syira chaklei kam ah a um mi Kurdish ralkap pawl hna le Civil mi hna cungah zawnruahnak ngeilo bak in hriamnam t’ihnung nin a den hna ruangah Belgium, France, Germany, Britain le Poland ram hna nih cun United Nations Security Council sinah a ran nak in an kong ceih piak dingah nawlpatnak an tuah.cu tik ah United Nations Security Council nih cun lakhruak tonbiaruahnak a kawh cawlh ve.
United Nations Security Council president, South African ambassador Jerry Matthews Matjila nih cun Turkey president Recep Tayyip Erdogan cu mipi hna hmai bak ah phone in chawnh tik ah Kurdish Civil mi hna nun nak ruah piak lo in hriamnam t’ihnung na hman mi cu hmangti lo in minung nun nak hi zei hmanh nih a cawk khawh lo mi a si hi rak thei law Kurdish ralkap hna lak ah siseh,Civil mi hna lak ah siseh hriamnam na hman mi cu rak kan sum piak tiah nawlpat nak bia a chimh tiah an chim.
Cun,Turkey president Erdogan nih remdaihnak ‘Operation Peace String’zong kan tuah ko lai tiah lehnak a tuah hna na in cu tibia a chim dih tlawmpal ah Kurdish ralkap pawl hna um nak le Civil mi hna lak ah bomb le hriamnam tam lak te a thlak hnawh t’han hna. Hi lio ah Kurdish nih a t’hit hruaimi hna Syrian Democratic Forces ralkap hna cu America ralkap he Syria ram chungum ISIS ralhrang pawl hna a rak dohpi hna na in Turkey nih Kurdish ralkap hna cu ka ral an si tiah a chim le cangka in Syrian Democratic Forces pawl hna nih chuah tak an timh hna.
Hi ruangah Syrian Democratic Forces hruaitu hna nih cun Syria ram chungum ISIS pawl hna dohtu ah Turkey president Erdogan nih a kan senhti lo an ti ruangah Syria ram chungah Kurdish miphun hna an um nak hmun cu an mah nawl in an kah t’han rih.cu hnu ah Turkey president Erdogan nih cun Kurdish miphun hna umnak kan kah nak a sullam cu ralhrang hna lak in kan him khawh nak dingah kan kah mi a si,Kurdish ralkap le Civil mi hna thah kan duh hna ruangah a si lo tiah a chim diam.United Nations Security Council nih cun Syria le Turkey nih Kurdish Civil mi a thimi vial te hna cu an mah nih an tuar lai.a rauh hlan ah international law phunghram hmangin daiter khawh kan i zuam lai tiah a chim.
Source: BBC
